राष्ट्रिय स्तरका विकास बैंकले बाणिज्य बैंक सँग प्रतिस्पर्धा गर्दै, मुनाफामा अव्बल

काठमाडौं । राष्ट्रिय स्तरका विकास बैंकले कतिपय बाणिज्य बैंकको भन्दा राम्रो सुधार गर्न सफल देखिएका छन् । चालु आर्थिक वर्षको पहिलो त्रैमाशिक अवधिमा विकास बैंकहरु मध्ये सबैभन्दा धेरै मुक्तिनाथ विकास बैंकले २८ करोड १८ लाख रुपैयाँ मुनाफा आर्जन गरेको छ । यो मुनाफा राष्ट्रिय स्तरका चार बाणिज्य बैंकको भन्दा धेरै हो ।

त्यस्तै शाइन रेशुङ्ग बैंकले २३ करोड ९३ लाख रुपैयाँ मुनाफा आर्जन गरेको छ भने गरिमाले २२ करोड ५७ लाख रुपैयाँ मुनाफा आर्जन गरेको छ । लुम्बिनी विकास बैंकले २० करोड १९ लाख रुपैयाँ मुनाफा आर्जन गरेको छ । जवकी यहि अवधिमा सिटिजन बैंकको २४ करोड ०६ लाख रुपैयाँ, कृषि विकास बैंकको १९ करोड, राष्ट्रिय बाणिज्य बैंकको १५ करोड मात्रै रहेको छ । अझ एनआइसी एशियाको ११ करोड ५ लाख रुपैयाँ रहेको छ । खराव कर्जा बढ्दा यि बाणिज्य बैंकको मुनाफा घट्न पुगेको हो ।

असोज मसान्तसम्म ८ वटा राष्ट्रियस्तरका विकास बैंकहरुले १ अर्ब ४२ करोड ९५ लाख रुपैयाँ नाफा कमाएका छन्। गत वर्ष सोही अवधिमा राष्ट्रियस्तरका विकास बैंकहरुको नाफा १ अर्ब १० करोड ७५ लाख रुपैयाँ थियो ।

राष्ट्रियस्तरका ८ बैंकमध्ये महालक्ष्मी विकास बाहेक  ७ बैंकले नाफा बढाएका छन्। ज्योति विकास बैंकको नाफा सबैभन्दा धेरै १९७.६० प्रतिशतले बढेकोे छ । दोस्रोमा धेरै नाफा बढाउनेमा कामना सेवा विकास बैंकको रहेको छ । जसको नाफा ४६ प्रतिशतले बढेको छ । 

असोज मसान्तसम्मको तथ्यांकको आधारमा सबैभन्दा धेरै नाफा गर्नेमा मुक्तिनाथ विकास बैंक छ । मुक्तिनाथले २८ करोड १८ लाख रुपैयाँ खुद नाफा गरेको छ । मुक्तिनाथ विकास बैंकको नाफा २३.१७ प्रतिशतले बढेको हो । 

यसपछि उच्च नाफा गर्नेमा शाइन रेसुङा विकास बैंकले २३ करोड ९३ लाख नाफा गरेको छ । यस्तै गरिमा विकास बैंकले २२ करोड ५७ लाख , लुम्बिनीले २० करोड १९ लाख, कामना सेवाले १७ करोड ४९ लाख, ज्योतिले १५ करोड ११ लाख, महालक्ष्मीले ९ करोड ४२ लाख रुपैयाँ नाफा कमाएका छन् । 

सबैभन्दा कम नाफा कमाउने बैंक सांग्रिला डेभलपमेन्ट बैंकले ६ करोड १ लाख रुपैयाँ नाफा कमाएको छ । बैंकको नाफा २९ प्रतिशतले बढेको हो । सांग्रिलाले गत आर्थिक वर्षको सोही अवधिम्ममा ४ करोड ६५ लाख रुपैयाँ खुद नाफा कमाएको थियो।

सबैको विकास बैंकको नाफा बढ्दा महालक्ष्मी विकास बैंकको नाफा भने १.१४ प्रतिशतले खुम्चिएको छ । छ । अघिल्लो वर्षको यही अवधिसम्म ९ करोड ५३ लाख नाफा आर्जन गरेको बैंकले यो वर्ष ९ करोड ४२ लाख मात्र नाफा कमाएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?