लगानीकर्ताको सर्वाधिक रोजाइमा परेका फाइनान्सको वित्तीय अवस्थामा क्रमिक सुधार, हेर्नुहोस् कस्तो अवस्था कस्तो

काठमाडौं । दोस्रो बजारमा लगानीकर्ताको सर्वाधिक रोजाइमा पर्दै आएका फाइनान्स कम्पनीहरुले आफ्नो वित्तीय अवस्थामा क्रमिक रुपमा सुधार गर्न थालेका छन् । खराव कर्जाबाट थिलिएका अधिकाम्स फाइनान्स कम्पनीहरु लाभांश दिन सक्ने अवस्थामा छैनन् । लाभांश दिन नसके पनि मुनाफामा भने सुधार गर्नुले आगामी वर्षमा यि संस्थाले आकर्षक लाभांश दिन सक्ने प्रक्षेपण गरिएको छ ।

चालु आर्थिक वर्षको पहिलो त्रैमाशिक अवधिमा सबैभन्दा धेरै मुनाफा मञ्जुश्री फाइनान्सले गरेको छ । फाइनान्सले तीन महिनामै ९ करोड ३८ लाख रुपैयाँ मुनाफा आर्जन गरेको हो । संस्थाले १३.४३ प्रतिशतले मुनाफा सुधार गरेको छ भने प्रतिशेयर आम्दानी २७.८९ रुपैयाँ छ । संस्थाको खराव कर्जा पनि अन्य फाइनान्सको तुलनामा नियन्त्रणमै देखिन्छ । खराव कर्जा ३.१२ प्रतिशत छ । यस हिसावले संस्थाले यस वर्ष लाभांश दिन सक्ने देखिन्छ ।

दोस्रो धेरै मुनाफा गर्नेमा प्रोग्रेसिभ फाइनान्स रहेको छ । फाइनान्सले तीन महिनामै ८ करोड ९ लाख रुपैयाँ मुनाफा आर्जन गर्दै प्रतिशेयर आम्दानी ३८ रुपैयाँ कायम राखेको छ । गत वर्ष नोक्सानमा रहेको प्रोग्रेसिभले यस वर्ष भने राम्रै संकेत देखाएको छ । यद्यपी खराव कर्जा भने ७.४७ प्रतिशत छ । जसले गर्दा संस्थाले लाभांश दिन सक्ने छैन । अवको ९ महिनामा संस्थाले खराव कर्जा सल्टाउन तिर लाग्नु पर्ने देखिन्छ ।

तेस्रो धेरै नाफा गर्ने जानकी फाइनान्सको प्रतिशेयर आम्दानी भने सबैभन्दा रहेको छ ।  तीन महिनामा ६ करोड ९० लाख रुपैयाँ मुनाफा आर्जन गरेको जानकी फाइनान्सको प्रतिशेयर आम्दानी ४० रुपैयाँ छ । नाफा राम्रो गरे पनि खराव कर्जा भन्दा सबैभन्दा धेरै ३४.६४ प्रतिशत छ ।

बुधबार दोस्रो बजारमा सर्किट लागेको आइसिएफसी फाइनान्सले यस त्रैमाशमा आकर्षक मुनाफा आर्जन गरेको छ । फाइनान्सले ६ करोड ८८ लाख रुपैयाँ मुनाफा आर्जन गरेको छ । जुन गत वर्षको भन्दा ६३३ प्रतिशत बढि हो । मुनाफा सँगै प्रतिशेयर आम्दानी पनि २३ रुपैयाँ पुगेको छ । खराव कर्जा पनि नियन्त्रणमा छ । हाल खराव कर्जा ३.६६ प्रतिशत मात्रै रहेकाले लाभांश दिन सक्ने राम्रो अवस्था छ ।

गएको वर्ष नोक्सानमा रहेको गुडविल फाइनान्सले यस वर्ष पनि सुरुमै राम्रो प्रस्तुती देखाएको छ । फाइनान्सले ४ करोड ९५ लाख रुपैयाँ मुनाफा आर्जन गर्दै प्रतिशेयर आम्दानी २० रुपैयाँ कायम राखेको छ । खराव कर्जा भने ४.९१ प्रतिशत छ । ५ प्रतिशत भन्दा कम रहेकाले लाभांश दिन सक्ने क्षमता राख्दछ ।

सेन्ट्रल फाइनान्स पनि यस वर्ष नाफामा देखिएको छ । गत वर्ष नोक्सानमा रहेको फाइनान्सले यस वर्ष ४ करोड ९५ लाख रुपैयाँ मुनाफा आर्जन गरेको छ । प्रतिशेयर आम्दानी भने २० रुपैयाँ छ । खराव कर्जा भने ८.७१ प्रतिशत छ ।

दिपेन्द्र अग्रवालले गएको वर्ष शेयर बजारमा खेलेको गोर्खाज फाइनान्सको मुनाफा ६० प्रतिशतले घटेको छ । फाइनान्सले २ करोड ४२ लाख रुपैयाँ मुनाफा आर्जन गरेको छ । प्रतिशेयर आम्दानी ११ रुपैयाँ छ । खराव कर्जा पनि १३ प्रतिशत नाघेको छ । मल्टीपर्पस फाइनान्सले तीन महिनामा एक करोड ४७ लाख रुपैयाँ मुनाफा आर्जन गरेको छ । श्री इन्भेष्टमेन्ट सामान्य नाफामा देखिएको छ ।

यस बाहेक वेष्ट फाइनान्स, नेपाल फाइनान्स, पोखरा फाइनान्स, रिलायन्स फाइनान्स र गुहेश्वरी मर्चेन्ट नोक्सानमा देखिएका छन् । यस वर्ष ७ वटा नोक्सानमा देखिएकोमा यस वर्ष ५ वटा नोक्सानमा छन् । नाफामा हुनेहरुले बढाएका छन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?