आशा लघुवित्तले मंसिर ७ गते डाक्यो साधारणसभा, कहिलेसम्म शेयर किन्नेले पाउलान् १५ प्रतिशत लाभांश

काठमाडौं । आशा लघुवित्त वित्तीय संस्थाले आगामी मंसिर ७ गते आठौ वार्षिक साधारणसभा आह्वान गरेको छ । संस्थाले उग्रचण्डी, बनेपा-७, काभ्रेपलाञ्चोकमा दिउँसो ३ बजे सधारणसभा आयोजना गर्ने तय गरेको हो । 

संस्थाले सभामा १४.२५ प्रतिशत बोनस सेयर र कर तिर्न ०.७५ प्रतिशत नगद लाभांश वितरण गर्ने प्रस्ताव पेश गर्नेछ । आर्थिक वर्ष २०८०–८१ को सञ्चालक समितिको वार्षिक प्रतिवेदन, वासलात, नाफा नोक्सानलगायतका विषयमा छलफल हुनेछ । त्यस्तै, आर्थिक वर्ष २०८१–८२ का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि छ । साथै, अन्य कुनै लघुवित्त वित्तीय संस्थासँग मर्जर वा एक्विजिसन गर्नुपरेमा सम्पूर्ण कार्यको अख्तियारी सञ्चालक समितिलाई दिने प्रस्ताव पनि रहेको छ ।

सभा प्रयोजनका लागि संस्थाले कात्तिक २५ गते बुक क्लोज गर्ने भएका छ । कात्तिक २१ गतेसम्म कायम सेयरधनीले लाभांश हात पार्न सक्नेछन् । कात्तिक २२ गते सार्वजनिक विदा गरेको छ । २३ गते शुक्रबार र २४ गते शनिबार पर्ने हुँदा त्यस दिन सेयर बजार खुल्दैन । त्यसैले कात्तिक २१ गतेसम्म कायम रहने सेयरधनी मात्र सभामा भाग लिन र लाभांश पाउन योग्य हुनेछन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?