पूँजीकोषमा दवाव नपर्ने गरी नविल बैंकको लाभांश घोषणा, शेयरधनीलाई २ अर्ब ७० करोड नगद वितरण गर्ने

काठमाडौं । नविल बैंकले लाभांश घोषणा गरेको छ । बैंकको कार्तिक १३ गते बसेको सञ्चालक समितिको बैठकले विद्यमान चुक्ता पूँजीको १० प्रतिशत नगद लाभांश वितरण गर्ने प्रस्ताव गरेको छ । 

बैंकले कर सहित २ अर्ब ७० करोड रुपैयाँको नगद लाभांश वितरण गर्ने घोषणा गरेको हो । हाल बैंकको चुक्ता पूँजी २७ अर्ब ५ करोड रुपैयाँ रहेको छ । नेपाल राष्ट्र बैंकले वितरण योग्य मुनाफाको गणनामा कडाइ गरे सँगै बैंकले यस वर्ष शेयरधनीलाई नगद लाभांश मात्रै वितरण गर्ने योजना बनाएको हो । 

यस वर्ष राष्ट्र बैंकले बैंक वित्तीय संस्थाहरुलाई खराव कर्जा धेरै भएको भन्दै यसको नियन्त्रण नभएसम्म लाभांश वितरणमा आक्रामक नहुन अनुरोध गर्दै आइरहेको छ । यसैले गर्दा वित्तीय विवरण स्वीकृतिकै चरणमा विभिन्न किसिमका प्रोभिजनिङ गरिदिने गरेको छ ।

नविल बैंकले गत वर्ष पनि शेयरधनीलाई ११ प्रतिशत नगद लाभांश वितरण गरेको थियो । बैंकले प्रतिशेयर आम्दानी र पूँजीकोष बलियो बनाउन नगद लाभांश मात्रै वितरण गरिरहेको छ । यस सँगै बैंकको जगेडा कोष चुक्ता पूँजी भन्दा धेरै भइसकेको छ । राष्ट्र बैंकको कडाइ सँगै बैंकहरुको कोष बलियो भइरहेको हुँदा अव विस्तारै बैंकहरुको भ्यालु पनि बढ्ने विश्लेषकहरु बताउछन् । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?