क्षेत्रिय बैंकहरुको संगमबाट राष्ट्रिय पहिचान बनाएको सांग्रिला डेभलपमेन्टको दुई दशकको यात्रा, 'सम्बन्ध आफ्नोपनको'

काठमाडौं । मध्यपश्चिमाञ्चल तथा पश्चिमाञ्चल क्षेत्रमा स्थापना भई वित्तीय क्षेत्रमा आफ्नो अलग पहिचान बनाएको बागेश्वरी डेभलपमेन्ट बैंक र पोखराको न्यूरोडबाट सञ्चालनमा आएको साँग्रिला डेभलपमेन्ट बैंक एक आपसमा गाभिएर राष्ट्रिय पहिचाहन बनाएको सांग्रिला डेभलपमेन्ट बैंकले दुई दशक पार गरेको छ ।

नेपालगञ्जबाट २०६१ साल कार्तिक १३ गतेदेखि सञ्चालनमा आएको बागेश्वरी डेभलपमेन्ट बैंकले २०६४ साल भदौ ९ गतेदेखि पोखराबाट सञ्चालनमा आएको सांग्रिलालाई प्राप्ति गरेको थियो । बराबरी हैसियतमा प्राप्ति प्रक्रिया टुङ्गिएर लगानीकर्ताहरु सांग्रिला डेभलपमेन्ट बैंकको नामबाट राष्ट्रिय स्तरको विकास बैंकको नामबाट कारोबार गर्न तयार भएका थिए । दुई बैंकले २०७१ साल असार २९ गते मर्जरका सम्पुर्ण प्रकृयाँ टुङ्गाएर काठमाडौंमा कार्पोरेट कार्यालय स्थापना गर्न सफल भएका थिए । मर्जरबाट राष्ट्रिय स्वरुप तयार पारेको सांग्रिलाले आफूलाई अझ बृहत बनाउन २०७४ असार २० मा कसमस डेभलपमेन्ट बैंकलाई प्राप्ति गर्यो ।

सांग्रिला डेभलपमेन्ट बैंकले स्थापनाको छोटो अवधिममा नै ग्राहकहरुको चाहना र आवश्यकत अनुसारका स्तरीय ग्राहकोन्मुख सेवा तथा सुविधाहरु प्रदान गरेर उपलब्ध स्रोत र साधनको उपयुक्त परिचालन गरी तुतनात्मक रुपमा उत्साहजनक उपलब्धी हासिल गर्दै आएको छ । बैंकले राष्ट्रिय तथ अन्तर्राष्ट्रिय सहकारी तथा गैर सरकारी संघ संघठन, कम्पनी, व्यक्ति र संघ संस्थाहरु तथा अन्य सबै सरोकारवालाहरुसँग सुमधुर व्यवसायिक सम्बन्ध कायम राख्दै बैंकको औद्योगिक तथा व्यवसायिक सम्बन्ध समाजका सबै तहमा पारदर्शी र सौहार्दपुर्ण बनाउदै आएको छ । यसले पनि बैंकको छवि उच्च रहदै आएको छ ।

बैंकले पछिल्ला वर्षहरुमा अझ धेरै र सुदृढ रुपमा बैंकिङ सेवालाई छिटो, छरितो र ग्राहकमुखी बनाउन विशिष्टीकृत सेवा प्रदान गरिरहेको छ । कर्जा प्रवाह, स्वीकृति र कागजात व्यवस्थापन प्रकृयाँलाई छिटो, छरितो, सहज, गुणस्तर कायम गर्न केन्द्रिय नियन्त्रण प्रणालीलाई व्यवस्थित बनाएको छ । कृषि, जलविद्युत, पर्यटन तथा अन्य क्षेत्रका ठूला परियोजनाहरुमा साझेदारीका रुपमा लगानी विस्तार गरिरहेको छ । बैंकले स्थायी प्रकृतिका न्युत लागतका निक्षेपहरुमा जोड दिदै आफ्नो बैंकिङ व्यवसायलाई सन्तुलित बनाउन सफल भएको छ । कोभिड १९ पछिको संयमित अवस्थामा ऋणीहरुको हितलाई ध्यानमा राख्दै बैंकले सहिष्णु बैंकिङ कारोबारलाई प्राथमिकता दिदै आएको छ ।

बैंकले मर्जर अगाडी र मर्जर पछि पनि अन्य बैंकहरुको तुलनामा राम्रै लाभांश दिदै आएको छ । बैंकले अहिलेसम्म कुनै वर्षमा पनि लाभांश टुटाएको छैन । बैंकले नगद भन्द पनि बोनस शेयरलाई नै बढि प्राथमिकता दिने गरेको छ ।

तीन क्षेत्रीय स्तरका विकास बैंक र दुई पटकको हकप्रद सँगै पटक पटकको बोनस शेयरबाट विद्यमान चुक्ता पूँजी निर्माण गर्न सफल भएको हो । बैंकको स्थापना हुँदा चुक्ता पूँजी तीन करोड मात्रै थियो । मर्जर अगाडी नै दुबै बैंकहरुले आइपिओ, हकप्रद, बोनस शेयर जारी गरिसकेका थिए । मर्जर पछि पनि बैंकले दुई पटक हकप्रद शेयर जारी गरेर पूँजीकोषलाई अझ बलियो बनाएको हो ।  

आजको दिनमा बैंकको चुक्ता पूँजी ३ अर्ब ४३ करोड रहेको छ भने जगेडा कोषमा एक अर्ब ५२ करोड रुपैयाँ जम्मा भइसकेको छ । बैंकको प्रतिशेयर नेटवर्थ १४६ रुपैयाँ छ ।

विकास बैंकहरु मध्ये पूँजीका हिसावले बैंक सातौ नम्बरमा रहेको छ । त्यस्तै जगेडा कोषका हिसावले ८ औं नम्बर, निक्षेप तथा कर्जा लगानी दुबै तर्फ ७ औं नम्बर, खुद व्याज आम्दानीका हिसावले ५ औं नम्बरमा रहेको छ । 

शेयर बजारमा पनि कम्पनीले आफ्नो छुट्टै पहिचान निर्माण गरेको छ । विगत एक वर्षको अवधिमा बैंकको शेयर मूल्यमा २६६ रुपैयाँबाट ४९७ रुपैयाँसम्मको यात्रा तय गरेको छ । पछिल्लो कारोबार मूल्य ४२९ रुपैयाँ रहेको छ । 

बैंकले २० औं वार्षिकोत्सवको अवसरमा मंगलबार विहान केन्द्रिय कार्यालय बालुवाटारमा प्रभातफेरी आयोजन गरेको थियो । यसका साथै विभिन्न शाखा कार्यालयले रक्तदान कार्यक्रम आयोजना गरेका थिए । बैंकले १९ वर्ष पुरा गरि २० औं वर्षमा प्रवेश गरेको उपलक्ष्यमा आफ्नोपनले सजिएको बैंकको सम्बन्ध अझ उत्कृष्ट, आधुतिक र स्मार्ट सेवा साथ आगामी दिनमा अझ प्रगाढ तथा सुमधुर बनाउन सदैव प्रतिवद्ध रहने प्रतिवद्धता व्यक्त गरेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?