बैंक वित्तीय संस्थाले मुनाफाबाट कर्मचारीलाई छुट्टाए ११ अर्ब रुपैयाँ बोनस, कसको कति ?

काठमाडौं । बैंक वित्तीय संस्थाले गत आर्थिक वर्षको मुनाफाबाट कर्मचारीहरुका लागि नियम अनुसार ११ अर्ब ९ करोड रुपैया भन्दा धेरै बोनस छुट्टाएका छन् । बोनस ऐन २०३० अनुसार जुनसुकै कम्पनीले आफ्नो मुनाफाको १० प्रतिशत रकम बोनसको रुपमा कर्मचारीलाई दिनै पर्छ ।

बैंक वित्तीय संस्थाका आ-आफ्नै कर्मचारी विनियमावली रहेका हुन्छन् । जसलाई नेपाल राष्ट्र बैंकले स्वीकृत गरेको हुन्छ । यसले गर्दा मुनाफाबाट कर्मचारीलाई वितरण हुने बोनस रकमको विभाजन बैंकहरु अनुसार फरक फरक पर्न जान्छ ।

नेपाल राष्ट्र बैंकका अनुसार गत आर्थिक वर्षमा बैंक वित्तीय संस्थाले कुन ७७ अर्ब ७७ करोड रुपैयाँ मुनाफा आर्जन गरेका छन् । राष्ट्र बैंकले सार्वजनिक गरेको तथ्याङ्क अनुसार ४१ वटा बैंक तथा वित्तीय संस्थाले कर्मचारी बोनसका लागि प्रोभिजनिङ गरेका छन् ।
कतिपय बैंकहरुले लेखापरीक्षण नभइ पेश्कीको रुपमा कर्मचारीहरुलाई बोनस दिने गर्छन् । अर्को तर्फ कतिपय बोनस दशैको समयमा दिने गरिन्छ । अन्तिममा साधारणसभा सम्पन्न भए पछि वा लेखापरीक्षण प्रतिवेदन तयार भए पछि बाँकी रहेको सम्पुर्ण बोनस रकम कर्मचारीहरुलाई प्रदान गरिन्छ । यो सम्बन्धित बैंकको नियम अनुसार फरक फरक हुन्छ ।

गत आर्थिक वर्षमा सबैभन्दा धेरै नविल बैंकका कर्मचारीहरुले एक अर्ब १९ करोड बोनस प्राप्त गर्ने छन् । बैंकले गत वर्ष ७ अर्ब ५२ करोड रुपैयाँ मुनाफा आर्जन गरेको थियो । दोस्रो धेरै बोनस पाउनेमा ग्लोबल आइएमई बैंकका कर्मचारी पर्छन् । ग्लोबलका कर्मचारीलाई एक अर्ब १२ करोड छुट्टाइएको छ ।

एनआइसीले ७१ करोड ९७ लाख रुपैयाँ, नेपाल इन्भेष्टमेन्ट मेगा बैंक ७८ करोड ३९ लाख, स्ट्याण्डर्ड चार्टर्ड बैंक ५५ करोड ९७ लाख, एनएमबी बैंक ५४ करोड २० लाख, एभरेष्ट बैंक ५२ करोड ३८ लाख, हिमालयन बैंक ५१ करोड ५१ लाख रुपैयाँ, सिद्धार्थ बैंक ५१ करोड ९ लाख, प्रभु बैंक ४५ करोड २६ लाख, सानिमा बैंक ४१ करोड १९ लाख, प्राइम बैंक ३७ करोड ५ लाख, राष्ट्रिय बाणिज्य बैंक ३६ करोड ९७ लाख, नेपाल एसबिआइ बैंक ३५ करोड ७८ लाख, लक्ष्मी बैंक ३५ल करोड ५० लाख, कुमारी बैंक ३४ करोड १५ लाख, सिटिजन बैंक ३३ करोड ४८ लाख, माछापुच्छ्रे बैंक २९ करोड ४७ लाख, कृषि विकास बैंकले २४ करोड ४५ लाख रुपैयाँ छुट्टाएका छन् ।

बैंकहरुले यहि रकमबाट कर्मचारी विनियमावली तथा सेवा सर्त विनियमावली अनुसार आ-आफ्ना कर्मचारीलाई बोनस उपलब्ध गराउने छन् । लेखापरीक्षण पश्चात बैंकको मुनाफामा फेरबदल आउने भएकाले अहिले अग्रिम रुपमा केहि रकम दिएर बाँकी रकम लेखापरीक्षण पश्चात वितरण गर्छन् 

कुन बैंकले कति छुट्टाए बोनस

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?