नबिल बैंकमा खाता खोल्दा स्वतः बीमा, ढुक्क बचत खातामा मेडिकल इन्स्योरेन्स पनि, 'दाबी भुक्तानी भने धेरै न्युन'

काठमाडौं । नबिल बैंकले विभिन्न खाताहरुमा एकमुष्ठ रुपमा ऋणी तथा बचतकर्ताको बीमा गर्दै आइरहेको छ । तर अधिकाम्स बचतकर्ताहरुले आफ्नो बीमा भएको कुरालाई ध्यान नै दिदैनन् । उनिहरुलाई खाता खोल्दै बीमा भएको सामान्य जानकारी पनि दिइन्छ तर उनिहरुले यसबाट सजिलै दाबी पाउन सकिन्छ भन्ने कुरालाई भने विश्वास नै गर्दैनन् । जसले गर्दा बैंकले बीमा कम्पनीलाई हरेक वर्ष करोडौ रुपैयाँ बीमा शुल्कको रुपमा खर्चिए पनि दाबी भुक्तानी भने ज्यादै न्युन हुने गरेको छ । नबिल बैंकमा यदि तपाईको कुनै पनि बचत खातामा न्युनतम पनि ५० हजार रुपैयाँ भन्दा माथि निक्षेप रहेको छ भने स्वतः बीमा हुने व्यवस्था छ । 

बैंकले नबिल ढुक्क बचत खाता, नबिल जेष्ठ बचत खाता, नबिल जेन एन एकाउन्ट लगाएत विभिन्न खाताधनीहरुको बीमा गर्ने गरेको छ । जसमा कतिपय ऋणीहरुको पनि बीमा हुने व्यवस्था छ । जुन बीमाका लागि लाग्ने 'बीमा शुल्क' कुनै पनि बचतकर्ता तथा ऋणी सँग छुट्टै लिइदैन । बैंकले स्किम अन्तर्गत रहेर एकमुष्ठ रुपमा बीमा कम्पनीहरुलाई बीमा शुल्क भुक्तानी गर्ने गर्छ । तर बचतकर्ताले दाबी भुक्तानीका लागि पत्तो नपाउदा यस्तो बीमाले सार्थकता भने भने पाउन सकेको छैन । 

नबिल ढुक्क बचत खाता

नबिल बैंकले यस्तो बचत खाता मार्फत प्राणघातक र आवधिक जीवन बीमा गर्ने गरेको छ । यति मात्रै नभइ बैंकले स्वास्थ्य बीमा समेत गरिदिएको हुन्छ । मेडिकल इन्स्योरेन्स अन्तर्गत अस्पतालमा भर्ना भएको खण्डमा ८० हजारसम्मको दाबी भुक्तानी पाउन सकिन्छ । अन्य क्लिनिकहरुमा गएर गरिएको उपचारको लागि पनि २० हजार सम्मको दाबी पाउन सकिन्छ । यदि बचतकर्ताको दुर्घटनाबाट मृत्यु भएमा १० लाख रुपैयाँ दाबी पाउन सक्ने व्यवस्था छ । १३ वटा घातक रोग मध्ये कुनै एक रोग लागेमा बैंकले तीन लाख रुपैयाँसम्मको कभरेज हुने गरेर बीमा गरिदिने गरेको छ । यसैमा ७५ हजारसम्मको आवधिक जीवन बीमा पनि हुने भएकाले यस अन्तर्गत बचतकर्ताको ३ लाख ७५ हजारसम्मको जोखिम कभर भएको हुन्छ ।

यस्तो सुविधा पाउन बचतकर्ताको खातामा कम्तिमा पनि एक लाख रुपैयाँ निक्षेप हुनु पर्छ । कम्पनीले सानिमा जिआइसी इन्स्योरेन्स कम्पनी मार्फत यस्तो बीमा गराउदै आएको छ । बचतकर्ताले यस्तो दाबी भुक्तानी सहजै पाउन सक्ने बैंकले जनाएको छ । दाबी भुक्तानीका लागि बचतकर्ता बीमा कम्पनीमा धाउनै पर्दैन । नजिकको शाखा कार्यालय मार्फत आवश्यक कागजात सहित प्रकृया अगाडी बढाएका छोटो समयमै दाबी पाउन सक्न बैंकले जनाएको छ ।

बीमा कम्पनीहरुले दाबी भुक्तानीमा महिनौं लगाइदिने र दिइहाले पनि अनेक बहानामा कम मात्रै रकम दिदा प्राय बीमितमा बीमा प्रतिको धारणा नै नकारात्मक रहने गरेको छ । यो बैंक मार्फत बीमा हुने भएकाले बीमा कम्पनीले व्यक्तिलाई दुख दिएको जस्तो बैंकलाई दुख नदिने भएकाले पनि बचतकर्ताले सहजै दाबी पाउने गरेका छन् । यस्तो बीमा गर्नु परेमा वार्षिक ३ देखि ४ हजार रुपैयाँ भुक्तानी गर्नु पर्छ । तर नबिलमा यस्तो बचत खाता खोल्दा विना खर्च स्वत बीमा हुन्छ । 

नबिल जेष्ठ बचत खाता

यस खाता मार्फत पनि बचतकर्ताको स्वत बीमा हुन्छ । यस बाट यदि बचतकर्तालाई सूचिकृत १३ वटा प्राणघातक रोग लाग्यो भने तीन लाख रुपैयाँ दाबी भुक्तानी प्रदान गर्छ । यसका साथै यदि बचतकर्ताको आत्महत्या बाहेक अन्य कुनै कारणले मृत्यु भएमा ७५ हजार रुपैयाँ दाबी पाउने गरि आवधिक जीवन बीमा गरिएको हुन्छ । यसका लागि बैंकले मेट लाइफसँग सम्झौता गरेको छ । बैंकले एकमुष्ठ रुपमा बचतकर्ताको बीमा गरिदिने गर्छ ।

नबिल जेन एन अकाउन्ट

नबिल बैंकले सूचना प्रविधिमा अभ्यस्त पछिल्लो नयाँ पुस्तालाई ध्यानमा राख्दै ल्याएको नबिल जेन एन खातामा पनि बीमाको व्यवस्था गरेको छ । यस मार्फत १३ वटा प्राणघातक रोगको कभरेज हुने गरि तीन लाख र ७५ हजारको आवधिक जीवन बीमा गरिदिएको छ । यसका लागि पनि बचतकर्ताले निश्चित शर्तहरु पुरा गर्नु पर्छ । जुन निकै सामान्य छन् ।

यस बाहेक कर्जाका लागि खोजिएका खाताहरूमा पनि बीमाको सुविधाहरु छन् । जसले बचतकर्ता तथा ऋणीको एक किसिमको जोखिमलाई बहन गर्ने प्रयास गरेको छ ।

यसरी बचतकर्ताको हितमा गरिएको बीमाको लाभ सम्बन्धित पक्षले दाबी नगर्दा बैंकले चिन्ता व्यक्त गर्दै आइरहेको छ । बैंकले खाता खोलिसके पछि आफ्नो बीमाको बारेमा बुझ्न अनुरोध समेत गरेको छ । भोलिका दिनमा केहि भवितव्य भइहाल्यो भने पनि दाबी भुक्तानीका लागि निसंकोच नजिकको शाखा कार्यालयमा गएर प्रकृया अगाडी बढाउन अनुरोध गरेको छ ।

यि हुन् १३ वटा प्राण घातक रोगहरु जुन लाग्ने वित्तीकै पाइन्छ ३ लाख दाबी भुक्तानी

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?