बैंकले उत्कृष्ट सेवा दिन कर्मचारी सन्तुष्ट हुनु पर्छ, समस्या जहाँबाट सुरु भएको हो त्यहीँबाट निप्ट्याउन गभर्नरको निर्देशन

काठमाडौं । नेपाल राष्ट्र बैंकका गभर्नर महाप्रसाद अधिकारीले बैंकले उत्कृष्ट दिन कर्मचारी सन्तुष्ट पार्नु पर्ने बताएका छन् । नेपाल बैंकको ८८ औं वार्षिकोत्सवको अवसरमा आफ्नो मन्तव्य राख्ने क्रममा उनले कर्मचारीको मनोबल बढाउनका लागि व्यवस्थापनले आफ्ना कर्मचारीलाई सन्तुष्ट पार्नु पर्ने बताएका हुन् ।

कर्मचारीका साथै सेवाग्राही पनि बैंकको सेवाबाट सन्तुष्ट हुनु पर्ने उनको धारणा रहेको छ । यो सबै काम सेवाग्राहीलाई केन्द्रित गरेर अगाडी बढ्नु पर्ने गभर्नर अधिकारीको भनाइ छ । उनले थपे, उच्च मनोबल बनाउन सबै व्यक्तिगत आकांक्षा पुरा हुनै पर्छ भन्ने छैन आफ्नो ठाउँबाट गर्न सक्ने काम गरे पुग्छ । गभर्नर अधिकारीले यहि शिलशिलामा कर्मचारीको उच्च मनोबल नै व्यवस्थापनको ठुलो सफलता भएको बताए ।

गभर्नर अधिकारीले समस्या जहाँबाट सुरु भएको हो त्याँहीबाट निप्ट्याउन समेत बैंकहरुलाई अनुरोध गरेका छन् । उनले भने 'यदि फ्रन्ट डेक्ट वा काउन्टरबाटै हुने काममा समस्या आयो र त्यो बढ्दै गयो भने पछि गएर त्यसले थप जटिल बनाउदै जान्छ । त्यो माथि माथि जादै गर्दा समस्याग्रस्त हुन सक्छ । त्यसकारण जति सकिन्छ समस्या जाहाँबाट सुरु भएको हो त्याहीबाट निप्ट्याउने प्रयास गर्नु पर्छ ।'

गभर्नर अधिकारीले हाम्रो बैंकिङ क्षेत्रमा यस्तो रोग बढ्दै गइरहेको बताएका छन् । केहि बैंकका शाखाहरु तथा काउन्टरहरुले सेवाग्राहीहरुको संरक्षणका कुराहरुलाई ख्यान नगरिदाखेरी त्यो माथि माथि हुँदै आउने यद्यपी उच्च व्यवस्थापनसम्म पुग्ने गरेको उनले बताए । कतिपय अवस्थामा यो भन्दा पनि माथि नियामककोसम्म आइपुग्ने अवस्था बन्ने उनको भनाइ छ । त्यसले ग्राहक र बैंक विच थप कठिनाइहरु ल्याउने उनले बताए ।

वार्षिकोत्सवको अवसरमा गभर्नरले नेपाल बैंकलाई उत्पादनशिल क्षेत्रमा कर्जा प्रवाह गर्न अनुरोध गर्नुका साथै डिजिटल बैंकिङमा थप जोड दिन आग्राह समेत गरेका छन् । नेपाल बैंकको हिजोको कमजोर अवस्थालाई स्मरण गर्दै पुनः राष्ट्र बैंकले इन्भेन गर्नु पर्ने अवस्थाको सिर्जना नगर्न निर्देशन दिएका छन् । सरकार तथा दात्रृ निकायले ठुलो लगानी गरेर रिकभर गरेको नेपाल बैंकलाई पहिलाको जस्तो मिस म्यानेजमेन्ट नगर्न उनले चेतावनी समेत दिएका छन् ।  

राष्ट्र बैंकले सरकारी लगानीको नेपाल बैंक तथा अन्य निजी स्तरका बाणिज्य बैंकहरुलाघ एउटै प्लेयरको रुपमा हेर्न चाहेको उनले बताए । उनले भने 'नेपाल राष्ट्र बैंक नियामक भएको नाताले सबै बैंक वित्तीय संस्थालाई एउटै प्लेयरको रुपमा हेर्न चाहन्छौ । सबैले एकै किसिमको नियम भित्र बसेर सबैले एकै खालको व्यवस्था भित्र बसेर प्रतिस्पर्धात्मकरुपमा आफ्ना सेवाहरु प्रवाह गरुन । यसमा कहि कतै फरक अनुभुति गर्नु भयो भने हामी सुनुवाइ गर्न तत्पर छौ । सरकारी बैंकहरुलाई अन्य निजी बैंकहरुको भन्दा फरक ट्रिटमेन्ट गर्न चाहदैन । नेपाल बैंकले अन्य १९ वटाबाणिज्य बैंक सँग प्रतिस्पर्धा गर्नु पर्छ ।'

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?