नबिल बैंकको लाभांश मंसिर ९ गतेसम्म शेयर किन्नेले मात्रै पाउने, साधारणसभा मंसिर २७ गते आह्वान

काठमाडौं । नबिल बैंकले घोषणा गरेको लाभांश मंसिर ९ गतेसम्म शेयरधनीले मात्रै पाउने भएका छन् । बैंकले साधारणसभा प्रयोजनका लागि मंसिर १० गते एक दिन बुक क्लोज गर्ने घोषणा गरेको छ । बैंकको आज मंसिर २ गते बसेको सञ्चालक समितिको बैठकले आगामी मंसिर २७ गते ४० औं वार्षिक साधारणसभा आह्वान गर्ने निर्णय समेत गरेको छ । 

नबिल बैंकले आर्थिक वर्ष २०८०/८१ को सञ्चित मुनाफाबाट सेयरधनीहरूलाई १० प्रतिशत नगद लाभांश वितरण गर्ने घोषणा गरिसकेको छ । प्रस्तावित लाभांश नेपाल राष्ट्र बैंकले स्वीकृत गरे सँगै आज बसेको सञ्चालक समितिले बुक क्लोजको मिति तय गरेको हो । 

बैंकले कर सहित २ अर्ब ७० करोड रुपैयाँको नगद लाभांश वितरण गर्ने घोषणा गरेको हो । हाल बैंकको चुक्ता पूँजी २७ अर्ब ५ करोड रुपैयाँ रहेको छ । नेपाल राष्ट्र बैंकले वितरण योग्य मुनाफाको गणनामा कडाइ गरे सँगै बैंकले यस वर्ष शेयरधनीलाई नगद लाभांश मात्रै वितरण गर्ने योजना बनाएको हो । 

यस वर्ष राष्ट्र बैंकले बैंक वित्तीय संस्थाहरुलाई खराव कर्जा धेरै भएको भन्दै यसको नियन्त्रण नभएसम्म लाभांश वितरणमा आक्रामक नहुन अनुरोध गर्दै आइरहेको छ । यसैले गर्दा वित्तीय विवरण स्वीकृतिकै चरणमा विभिन्न किसिमका प्रोभिजनिङ गरिदिने गरेको छ ।

नविल बैंकले गत वर्ष पनि शेयरधनीलाई ११ प्रतिशत नगद लाभांश वितरण गरेको थियो । बैंकले प्रतिशेयर आम्दानी र पूँजीकोष बलियो बनाउन नगद लाभांश मात्रै वितरण गरिरहेको छ । यस सँगै बैंकको जगेडा कोष चुक्ता पूँजी भन्दा धेरै भइसकेको छ । राष्ट्र बैंकको कडाइ सँगै बैंकहरुको कोष बलियो भइरहेको हुँदा अव विस्तारै बैंकहरुको भ्यालु पनि बढ्ने विश्लेषकहरु बताउछन् । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?