ग्लोबल आइएमईको शेयर मूल्य समायोजन, लाभांश हात पारेर पनि शेयरमा छैन घाटा

काठमाडौं । नेपाल स्टक एक्सचेन्जले ग्लोबल आइएमई बैंकको शेयर मूल्य समायोजन गरेको छ । बैंकले ५.५ प्रतिशत बोनस शेयर वितरणका लागि गरेको बुक क्लोज हुनु भन्दा अगाडी नेप्सेले मूल्य समायोजन गरेको हो । 

नेप्सेले बुक क्लोजको अन्तिम समयको शेयर मूल्य २५५ रुपैयाँमा मूल्य समायोजन गरेर २४१.७१ रुपैयाँ कायम गरेको छ । यस सँगै अव आइतबार बैंकको शेयर कारोबार २४१.७१ रुपैयाँबाट सुरु हुनेछ । यसरी बोनस शेयर प्राप्त गर्नेहरुलाई खासै ठुलो असर नपर्ने देखिएको छ । अन्य बैंकको शेयर मूल्य पनि यहि मूल्य वरिपरि भएकाले बोनस खानेले जित्ने भएका छन् । 

बैंकले मंसिर २७ गते वार्षिक साधारणसभा बोलाएको छ। साधारणसभामा सेयरधनीका लागि प्रस्तावित लाभांश पारित गरिने बैंकले जनाएको छ। गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाहलगायत विवरणमा छलफल गरी पारित गर्ने बैंकको सूचनामा उल्लेख छ। साधारणसभा प्रयोजनका लागि बैंकले मंसिर ९ गते बुक क्लोज गर्दैछ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?