बैंकिङ प्रणालीमा अधिक तरलता, प्रणालीबाट ७० अर्ब तान्दै

काठमाडौं । बैंकिङ प्रणालीमा अधिक तरलता देखिए सँगै नेपाल राष्ट्र बैंकले प्रणालीबाट तरलता खिच्ने भएको छ । बैंकले आज प्रणालीबाट ७० अर्ब रुपैयाँ तान्ने भएको हो । आज दिउँसो २ बजे बोलकबोल हुने राष्ट्र बैंकले जनाएको छ।

निक्षेप दिन चाहने बैंक तथा वित्तीय संस्थाले घटीमा १० करोड रुपैयाँ र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म बोलकबोल गर्न सक्नेछन्।

निक्षेप संकलनको बोलकबोल ब्याजदरमा गर्नुपर्नेछ भने बहुब्याजदरमा पनि बहुबोलकबोल गर्न सकिने राष्ट्र बैंकले जनाएको छ। निक्षेप संकलन उपकरणको बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्थामात्र सहभागी हुन पाउनेछन्।

यो २१ दिने निक्षेप संकलन उपकरणको पुस १४ गते साँवा तथा ब्याज भुक्तानी गरिने राष्ट्र बैंकले जनाएको छ। नेपाल राष्ट्र बैंकका अनुसार हाल सिडि रेसियो ७८.६१ प्रतिशत रहेको छ । बैंकहरुले अधिकतम ९० प्रतिशतसम्म सिडी रेसियो काम राख्न पाउछन् । हाल बैंकहरुले ६६ खर्ब ४४ अर्ब निक्षेप संकलन गरी ५३ खर्ब १२ अर्ब रुपैयाँ कर्जा लगानी गरेका छन् । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?