चेक मार्फत अवैधानिक लेनदेन नगर्न राष्ट्र बैंकको आह्वान, ‘तमसुक र धरौटीको रुपमा प्रयोग नगरौ’

काठमाडौं । नेपाल राष्ट्र बैंकले चेक मार्फत अवैधानिक कारोबार नगर्न सबैलाई आह्वा नगरेको छ । तमसुक वा धरौटीको रुपमा चेकलाई प्रयोग गरी अवैधानिक लेनदेन गर्ने काम नगर्न राष्ट्र बैंकले सचेत गराएको छ । खाली चेकमा हस्ताक्षर गरिदिने जस्ता नियतवश गरेको गलत कार्यले चेक जारी गर्ने व्यक्ति कालोसूचीमा पर्ने र कानुन बमोजिमको सजाय सहेत हुने हुँदा होसियारी अपनाउन राष्ट्र बैंकले सबैलाई अनुरोध गरेको छ ।  

त्यसैले चेक मार्फत भुक्तानी गर्दा आफ्नो दायित्व प्रष्ट भएपछि खातामा मौज्दात रहेको रकम मात्रै चेक जारी गर्नु पर्दछ । पछिल्लो समय चेकको दुरुपयोग अत्याधिक बढेको र त्यसको कारणले चेक जारी गर्ने व्यक्ति/संस्था कालोसूचीमा पर्ने घटना बढेर गएको पाइएको छ ।

बैंक तथा वित्तीय संस्थामा रहेको रकमको कारोबारको लागि चेक भरपर्दो उपकरण हो । विनिमेय अधिकारपत्र ऐन २०३४ (पछिल्लो संशोधन २०७५) तथा नेपाल राष्ट्र बेंक ऐन २०५८ ले यसलाई माग्नासाथ भुक्तानी दिनु भनी कुनै बैंकउपर खिचिएको विनिमेयपत्रको रुपमा व्याख्या गरेको छ ।

नेपाल राष्ट्र बैंकले भने जस्तै अहिले प्रहरी कार्यालयमा सबैभन्दा धेरै उजुरी चेक अनादरको पर्ने गरेको छ । प्रहरी कार्यालय मार्फत जादा फास्ट ट्र्याकमा काम हुने भएकाले धेरैले पहिलो उजुरी प्रहरी कार्यालयमा हाल्छन् । त्यस पछि नभएमा अदालतमा जाने प्रचलन छ । ठुला ठुला कारोबार चेकको ग्यारेन्टीमा गर्ने गरिन्छ । चेक अनादरको मुद्दा लाग्ने भएकाले यसलाई ग्यारेन्टीको रुपमा पनि प्रयोग गरिन्छ । तर सबैको नियत सफा हुँदैन । गलत नियत हुनेले कानुनी प्रकृयाँबाट फासाउन खोज्यो भने चेक जारी गर्ने व्यक्ति कालोचसूचिमा पर्न सक्दछ । यहि कारणले खातामा प्रयाप्त मौज्दात भए पछि मात्रै चेक काटिनु पर्ने राष्ट्र बैंकले जनाएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?