सम्पत्ति शुद्धीकरण निवारण कार्यदल गठन

काठमाडौँ, मङ्सिर २६ गते । सम्पत्ति शुद्धीकरण तथा आतङ्ककारी कार्यमा वित्तीय लगानी निवारण गर्ने कार्यलाई थप प्रभावकारी बनाउन सात सदस्यीय कार्यदल गठन गरिएको छ । 

सम्पत्ति शुद्धीकरण निवारणसम्बन्धी निर्देशक समितिको मङ्गलबार बसेको बैठकले राष्ट्रिय समन्वय समितिका संयोजकलाई कार्यदलको संयोजक बनाउने गरी उक्त निर्णय गरेको हो । कार्यदलको सदस्यमा अख्तियार दुरुपयोग अनुसन्धान आयोगका सचिव, महान्यायधिवक्ता कार्यालयका नायब महान्यायधिवक्ता, नेपाल राष्ट्र बैङ्कका डेपुटी गभर्नर, अर्थ मन्त्रालयका सहसचिव, सम्पत्ति शुद्धीकरण विभागका महानिर्देशक र वित्तीय जानकारी एकाइका प्रमुख रहने निर्णय बैठकले गरेको छ । 

कार्यदलमा नेपाल राष्ट्र बैङ्कका निर्देशक सदस्यसचिव रहने व्यवस्था गरिएको छ । कार्यदलले सम्पत्ति शुद्धीकरण तथा आतङ्ककारी कार्यमा वित्तीय लगानी निवारणमा काम गरिरहेका निकायसँग समन्वय गरेर काम गर्ने छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन