युनाइटेड अजोडको प्रमुख कार्यकारी अधिकृतमा कमल गौतम नियुक्त, पाए ४ वर्ष नेतृत्व गर्ने जिम्मेवारी

काठमाडौं । युनाइटेड अजोड इन्स्योरेन्स कम्पनीको प्रमुख कार्यकारी अधिकृतमा कमल गौतम नियुक्त भएका छन् । कम्पनीको मंसिर २६ गते बसेको सञ्चालक समितिको ४५ औं बैठकले गौतमलाई आगामी चार वर्षका लागि नियुक्त गरेको हो ।

विगत तीन दशक भन्दा बढी विभिन्न बैंक तथा वित्तीय संस्थामा कार्य गरिसकेका उनले विकास बैंक र निर्जीवन बीमा कम्पनीको प्रमुख कार्यकारी भएर जिम्मेवारी बहन गरिसकेका छन् । उनले त्रिभुवन विश्व विद्यालयबाट एमबिएसम्मको अध्ययन पुरा गरेका छन् । कम्पनीले उनको कार्यानुभव तथा कार्य सम्पादनको मूल्याङ्कन गर्दै प्रमुख कार्यकारी अधिकृतको जिम्मेवारी सुम्पिएको हो ।

गौतम कर्मचारीको टिम वर्कमा विश्वास राख्छन् । उनले कम्पनीको प्रगति र ग्राहकको सन्तुष्टमा आफु केन्द्रित हुने प्रतिवद्धता व्यक्त गरेका छन् । उनको नियुक्ति सँगै कम्पनीले थप उचाई प्राप्त गर्ने उच्च व्यवस्थापनले विश्वास लिएको छ ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना