राष्ट्रिय बीमा कम्पनीले डाक्यो साधारणसभा, पेण्डिङ लेखापरीक्षण सम्पन्न नभएसम्म लाभांशमा रोक

काठमाडौं । राष्ट्रिय जीवन बीमा कम्पनीले लाभांश विना नै दुई आर्थिक वर्षको लेखापरीक्षण पारित गर्न साधारणसभा आह्वान गरेको छ । यद्यपी नेपाल बीमा प्राधिकरणले अहिलेसम्मका पेण्डिङ सम्पुर्ण लेखापरीक्षण सम्पन्न नभएसम्म लाभांश दिन नपाउने व्यवस्था गरे सँगै साधारणसभामा लाभांशको प्रस्ताव गरेको छैन । 

राष्ट्रिय बिमा कम्पनी लिमिटेडले आर्थिक वर्ष २०७३/७४ र २०७४/७५ को साधारण सभा बोलाएको छ । सभा पुस २४ गते अनमोल क्याटरिङ सर्भिस प्रालि, शंकमूल, काठमाडौंमा बिहान ११ बजेबाट सुरु हुनेछ । कम्पनीले लाभांश प्रस्ताव नगरी साधारण सभा बोलाएको हो । 

सभामा आर्थिक वर्ष २०७३/७४ र २०७४/७५ को वार्षिक प्रतिवेदन, नाफा नोक्सान ,नगद प्रवाह विवरणलगायतमा छलफल हुनेछ । साथै, आर्थिक वर्ष २०७५ देखि २०७९ सम्मका लागि लेखापरीक्षक नियुक्ति गरी निजको पारिश्रमिक निर्धारण गर्ने एजेन्डा रहेको छ । बिमाले सञ्चालकहरुको बैठक भत्ता ६ हजार र पत्रपत्रिका, इन्टरनेट र इन्धन खर्च मासिक १२ हजार पुर्याउने प्रस्ताव पेश गर्नेछ । 

सभा प्रयोजनका लागि कम्पनीले पुस १८ गते बुक क्लोज गर्ने भएको छ । तसर्थ, पुस १७ गतेसम्म सेयर खरिद गरी कायम रहने सेयरधनीहरुले मात्र सभामा भाग लिन सक्नेछन् ।

प्रतिक्रिया दिनुहोस्

सम्बन्धित समाचार

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

नेशनल लाइफको २० प्रतिशत लाभांश घोषणा

लेखापरीक्षण प्रतिवेदन नबुझाउने विभिन्न बीमा कम्पनीहरूलाई जरीवाना