राष्ट्र बैंकले कर्णालीलाई समस्याग्रस्त घोषणा गरे सँगै हच्किए लगानीकर्ता, फण्डामेन्टल राम्रो भएका कम्पनीमा बढ्यो आकर्षण

काठमाडौं । नेपाल राष्ट्र बैंकले कर्णाली विकास बैंकलाई समस्याग्रस्त घोषणा गरे सँगै नेपाल स्टक एक्सचेन्जले कारोबार रोक्का अन्य बाणिज्य बैंकहरुको शेयरमा पनि चरम गिरावट देखिएको छ । यस अगाडी बैंकिङ कारोबार रोक्दा सर्किट लागेको कर्णालीलाई यस पटक भने नेप्सेले कारोबार गर्नबाटै रोक लगाएको छ । 

यसले गर्दा अन्य विकास बैंकको शेयर मूल्यमा चरम गिरावट आएको छ । अहिले विकास बैंक तथा फाइनान्सको खराव कर्जा चरम अवस्थामा छ । अधिकाम्सको कर्जा विग्रिएको छ । यसले गर्दा लगानीकर्ताले आफ्नो लगानी सिफ्ट गरेका हुन् । 

आज नेप्से सूचकमा सामान्य सुधार देखिए पनि विकास बैंकको सूचक १३६ अंकले गिरावट भएको छ । कर्पोरेट विकास बैंक, सिन्धु विकास बैंक र नारायणी विकास बैंकको शेयर मूल्यमा नकारात्मक सर्किट लागेको छ । दोस्रो बजारमा विकास बैंक र फाइनान्सको शेयर सप्लाइ ज्यादै न्युन छ । बाणिज्य बैंकहरुको तुलनामा विकास बैंक र फाइनान्सको शेयर सप्लाइ कम भएकै कारण शेयर मूल्य धेरै माथि छ । अर्को तर्फ यि बैंकहरुको वित्तीय अवस्था राम्रो छैन । अझ फाइनान्सहरुको अवस्था नाजुक छ । खराव कर्जा ५ प्रतिशत भन्दा माथि छ । अधिकाम्स लाभांश दिन नसक्ने अवस्थामा छन् । 

यसले गर्दा आज बाणिज्य बैंक र माइक्रोफाइनान्समा लगानीकर्ता सिफ्ट भएका छन् । यद्यपी क्यापिटल गेन गर्नेका लागि अहिलेको घट्दो मूल्यले भोलिका दिनमा राम्रो प्रतिफल दिने निश्चित छ । लगानीकर्ताहरुले कम्पनीको वित्तीय अवस्था भन्दा पनि बजारमा चलखेल हुने कम्पनीलाई नै केन्द्रमा राख्दै कारोबार गरिरहेका हुन्छन् । यसले गर्दा कतिवेला लगानीकर्ता फस्ने हो टुङ्गो हुँदैन ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?