१८ औं वार्षिकोत्सवको अवसरमा ग्लोबल आइएमई बैंकले लिएका १८ रणनीतिक योजना, 'उच्च प्रतिफल तथा सुरक्षित लगानीको अनुभूति गराउने'

काठमाडौं । स्थापनाको छोटो समयमै राष्ट्रिय अन्तर्राष्ट्रिय जगतमा ५० लाख भन्दा धेरै ग्राहकहरुको मन मुटुमा बस्न सफल ग्लोबल आइएमईले उत्कृष्ट सेवा प्रदान गर्दै आइरहेको छ । ग्राहकको सेवालाई सर्वोपरी मान्दै आएको ग्लोबल आइएमई बैंक हरेक सूचकमा अग्र स्थानमा देखिदै आएको छ ।

बाणिज्य बैंकहरु मध्ये सर्वाधिक धेरै चुक्ता पूँजी ३६ अर्ब १२ करोड रुपैयाँ रहेको बैंक निक्षेप तथा कर्जा लगानी लगायतका धेरै वटा सूचकमा अगाडी छ । नेपाल राष्ट्र बैंकले लिएको मर्जरको नीतिलाई आत्मसाथ गर्दै ग्लोबल आइएमई बैंकले १८ वटा भन्दा धेरै बैंक वित्तीय संस्थालाई सगेटेर अगाडी बढ्न सफल भएको छ । मर्जरको इतिहासमा आफूलाई स्वर्ण अक्षरमा लेखाइसकेको बैंकले प्रतिस्पर्धी बजारमा आफ्नो सफलतालाई अझै शिखरमा पुर्याउन १८ औं वार्षिकोत्सवको अवसरमा १८ वटा भावी रणनीतिक योजना बनाएको छ । बैंकले आगामी दिनमा निम्नानुसारको रणनीतिक कार्ययोजनाहरु अवलम्बन गर्दै लक्ष्य लिएको छ ।

१. “सबैको लागि बैंक” भन्ने नारालाई व्यवहारमा नै रुपान्तरण गर्नका लागि स्वदेश तथा विदेशमा रहेका विभिन्न शाखा तथा अन्य सेवा केन्द्र र प्रतिनिधि कार्यालयहरु मार्फत वित्तीय क्षेत्रमा पहुँच विस्तार गर्दै अगाडी बढ्ने बैंकले लक्ष्य लिएको छ ।  हाल यस बैंकले देशका ७७ वटै जिल्लामा आफ्ना शाखा कार्यालयहरु, शाखा रहित बैंकिङ्ग सेवा, ए.टि.एम, एक्सटेन्सन र अन्य काउन्टरहरु समेत जम्मा १,१०० सेवाकेन्द्र मार्फत करिव ५० लाख ग्राहकहरुलाई बैंकिग सेवा प्रदान गर्दै आइरहेको छ । मुलुकभर अझैपनि ठुलो संख्यामा बैंकिग पहुँच बाहिर रहेका जनतालाई बैंकिग सेवा प्रदान गर्दै लैजाने नीतिलाई बैंकले प्राथमिकतामा राखेको छ ।

२. आगामी समयमा बैंकले दिगो व्यवसायिक वृद्धि (Sustainable Business Growth) का लागि आफ्नो वार्षिक व्यवसायिक कार्ययोजना अनुरुपका रणनीतिहरु कार्यान्वयन गर्दै जानेछ । यसका लागि बैकले निक्षेप तर्फ CASA Deposit / कर्जा प्रवाह तर्फ SME/Retail/ MSME/Priority Sector Lending लाई प्राथमिकता प्रदान गर्ने तथा शुल्कमा आधारित आम्दानी (Fee Base Income) मा समेत जोड दिई कार्यहरु सञ्चालन गर्दै जाने रणनीति बनाएको छ । जसवाट शेयरधनीहरुलाई उचित प्रतिफल प्राप्त हुने बैंकले विश्वास लिएको छ ।

३. हरित तथा दिगो विकास (Green and Sustainable Development) का लागि कायम गरिएका राष्ट्रिय तथा अन्तर्राष्ट्रिय  लक्ष्यहरुलाई आत्मसाथ गर्दै दिगो, न्यून कार्वन (Low Carbon), वृताकार अर्थतन्त्र (Circular Economy) को दिशामा सहयोगसिद्ध हुने गरी व्यवसाय सञ्चालन र कर्जा प्रवाह गर्ने गतिविधीहरुलाई थप प्रवर्द्धन गरिने बैंकले उल्लेख गरेको छ । लैङ्गिक एवं सामाजिक समावेशिता र वातावरणीय सुरक्षा कायम हुने गरी दिगो विकासको लक्ष्यलाई थप टेवा पुर्याउने हेतुले केन्द्रिय स्तरमा बैंकले हरित तथा दिगो बैकिङ्ग इकाई (Green and Sustainable Banking Unit) स्थापना गरी कार्यक्रम अगाडी बढाइरहेकोमा सो कार्यलाई निरन्तरता दिई नेपालको अग्रणी बैंकको रुपमा स्थापित गर्ने गराउने नीति लिने भएको छ ।

४. बैंकले थप Value Added Services / Product बजारमा पुर्याउने कार्ययोजना बनाएको छ । निक्षेप तथा कर्जाका विभिन्न प्रोडक्ट (Product) हरुको सूक्ष्म अध्ययन तथा विश्लेषण गरी आवश्यकता अनुरुप थप परिमार्जन गर्ने तथा नयाँ प्रोडक्टको विकास गरी कार्यान्वयन गर्दै जाने योजना बनाएको छ । हालै बैकले प्रविधिमा आधारित Global Junior App / FLASH (Fast Loan Against Share) कार्यान्वयनमा ल्याएको छ । बैंकले प्रविधिमा आधारित बैंकिग सेवा (Technology Driven Banking Solution) लाई प्राथमिकता राखेको छ । 

५. बैंकले विगत वर्षहरुमा अन्तर्राष्ट्रिय वित्त निकायहरु जस्तै International Finance Corporation (IFC), British International Investment (BII), Swiss Investment Fund for Emerging Market (SIFEM), Global Climate Partnership Fund, KFW-Dev Bank (DFI), Mashreq Bank जस्ता वित्तीय संस्थाहरुबाट बाह्य कर्जा लिई लगानीको श्रोतको व्यवस्थापन गर्दै आएको छ । चालु आ.व.मा समेत बैंकको OPEC Fund for International Development,  Asian Development Bank (ADB), Development Finance Corporation (DFC), Asian Infrastructure Investment Bank (AIIB) जस्ता निकायहरुबाट आवश्यकता र औचित्यताको आधारमा श्रोतको व्यवस्थापन तथा परिचालन गर्ने योजना बनाएको छ ।

उल्लिखित अन्तर्राष्ट्रिय वित्तीय संस्थाहरुसँगको व्यवसायिक सम्बन्धले लगानीको श्रोत प्राप्त गरेको मात्र नभई बैंकको अन्तर्राष्ट्रिय साखमा समेत अभिवृद्धि भएको र बैंकले गरेको श्रोतको उपयोग तथा कार्य सञ्चालनवाट अन्तर्राष्ट्रिय वित्तीय साझेदारहरु थप उत्साहित भई बैंकसँग थप कारोवारको लागि अनुरोध गरिरहेको बैंकले उल्लेख्य गरेको छ । बैंकको व्यावसायिक हितलाई पहिलो प्राथमिकतामा राखी आगामी दिनहरुमा यस्ता अन्तर्राष्ट्रिय वित्तीय संस्थाहरुसँगको कारोवार अगाडी बढाइने नीति रहेको छ ।  

६. घरेलु कच्चा पदार्थमा आधारित साना र मझौला उद्योगको बिकासबाट मात्र मुलुकको अर्थतन्त्रलाई चलायमान बनाउन सकिन्छ भन्ने मान्यताबाट यस क्षेत्रको कर्जा प्रवाहलाई प्राथमिकतामा राख्दै आएको छ । त्यस्तै, निक्षेप सङ्कलनको हकमा पनि जनसाधारणकै वचतलाई लक्षित गर्दै आईएको र यसलाई नै बैंकको आधारभूत श्रोत (Core resources) को रूपमा महत्व दिई आएको छ । बैंकको यो नीतिलाई आगामी आर्थिक वर्षहरुमा समेत निरन्तरता दिने भएको छ ।

७. मुलुकभर विकासको पूर्वाधार निर्माण सम्वन्धी कार्यहरु निरन्तर रुपमा वृद्धि भइरहेको र पूर्वाधार बिकास मुलुकको तीनवटै तहका सरकारहरुको प्राथमिकतामा भएको परिप्रेक्ष्यमा सो अवसरलाई सदुपयोग गर्ने गरी निर्माण व्यवसायीहरुको आवश्यकता र सुबिधालाई ध्यानमा राखी आपसी सहकार्यलाई प्राथमिकता दिने भएको छ ।

८. विप्रेषण (रेमिट्यान्स) नेपालको अर्थतन्त्रको मेरुदण्ड हुनुका साथै यस बैंकको व्यवसायको एउटा प्रमुख र भरपर्दो आधार समेत हो । संसारभर विभिन्न राष्ट्रहरुमा रहेका बैंकका आधिकारिक प्रतिनिधिहरुको साथै स्वदेशी र विदेशी व्यावसायिक साझेदारहरुसँगको सहकार्यबाट हालसम्म विश्वका विभिन्न मुलुकबाट उल्लेख्य मात्रामा रेमिट्यान्स भित्र्याउँदै आएको छ । आगामी वर्ष यस बैंक मार्फत भित्रिने रेमिट्यान्सलाई थप वृद्धि गर्नका लागि रेमिट्यान्स बजार विस्तार तथा ब्यवस्थापनलाई अझ प्रभावकारी बनाउने नीति बनाएको छ ।

९. बैंकको व्यावसायिक पहिचानलाई अन्तर्राष्ट्रियकरण गर्दै कारोवारको प्रवर्द्धन गर्न अष्ट्रेलिया, भारत तथा संयुक्त अधिराज्यमा प्रतिनिधि कार्यालयहरु सञ्चालनमा रहेको छ । आर्थिक रुपले सम्पन्न एशियाको महत्वपूर्ण राष्ट्र दक्षिण कोरियामा पहिलो अन्तर्राष्ट्रिय शाखा खोल्ने प्रयास जारी राखेको छ । व्यावसायिक अवसरको विश्लेषण गरी नेपाल राष्ट्र बैंक तथा आवश्यक अन्य निकायहरुबाट स्वीकृति प्राप्त भएको अवस्थामा बेलायत, अमेरीका जस्ता विभिन्न संभाव्य राष्ट्रहरुमा शाखा कार्यालय खोली कारोबार गर्ने योजना रहेको छ । त्यसैगरी Digital Money (E- money) कारोवार ईजाजतको लागि समेत प्रयत्न गर्ने भएको छ ।

१०. बैंकले सूचना प्रविधिको प्रयोगलाई बढाउँदै आधुनिक प्रविधिमैत्री गुणस्तरीय बैंकिग सेवा प्रदान गर्दै अगाडी बढ्ने नीति अवलम्बन गरेको छ । सोका लागि बैंकले छुट्टै डिजिटल बैंकिंग ईकाइ गठन गरी आवश्यक पूर्वाधार समेत खडा गरी कार्यारम्भ गरिसकेको परिप्रेक्ष्यमा प्रविधिको प्रयोगबाट हुने लाभको सूक्ष्म बिश्लेषण गर्दै सम्पूर्ण बैंकिग सेवाहरु डिजिटल बैंकिंगको प्रविधि मार्फत प्रदान गर्दै कारोवारलाई अघि बढाउने नीतिलाई निरन्तरता दिने भएको छ ।

११. बैंकको आन्तरिक काम कारवाही बढी मात्रामा स्वचालित (Automation) गरी मितव्ययी बनाउदै लैजाने नीति रहेको छ । आर्थिक बर्ष २०८०/८१ मा ग्राहकले खाता खोल्न, डलर कार्ड, क्रेडिट कार्ड, एटिएम कार्ड प्राप्तगर्ने, भुक्तानी गर्ने लगायत कार्डसम्बद्ध सेवाहरु, एलसी/ग्यारेन्टी सुबिधा, शेयर कर्जा लगायतको कारोवार अनलाईनबाटै गर्न मिल्ने Customer Centric BPM कार्यान्वयनमा ल्याएको छ । कर्मचारीको प्रत्यक्ष संलग्नता विना नगद तथा चेकको कारोवार गर्न सकिने Digital Universe सञ्चालनमा आएको छ । प्रविधिमा आधारित यस किसिमको सेवाहरुबाट व्यवसायिक प्रभावकारीता बढाएको विश्वास सहित आगामी दिनहरुमा समेत नयाँ नयाँ प्रविधिमैत्री सेवाहरु थप गर्दै लैजाने नीति लिएको छ ।

१२. कर्मचारीहरु बैंकका मुख्य सम्पत्ति हुन र उनीहरुको ज्ञान र अनुभवलाई बैंकको व्यावसायिक उद्देश्य प्राप्तिसँग जोड्दै कर्मचारीहरुको वृत्ति विकासका लागि वार्षिक तालिम कार्यतालिका तर्जुमा गरी कार्यान्वयन गर्दै आएकोमा यसलाई अझ प्रभावकारी तथा डिजिटल प्रविधिको सहयोगमा सम्पूर्ण कर्मचारी वर्गमा निरन्तर ज्ञान आदान प्रदान गर्ने व्यवस्था मिलाउने भएको छ ।

१३. बैंक आफ्नो स्थापना कालदेखि नै नेपाल सरकार एवं नेपाल राष्ट्र बैंकद्वारा घोषित नीतिहरुको परिपालनमा कटिबद्ध छ । सङघीय सरकार तथा नेपाल राष्ट्र बैंकले अङगीकार गरेको मर्जर तथा प्राप्ति नीति अनुरुप हालसम्म २१ वटा बैंक तथा वित्तीय संस्थाहरु यस बैंकमा समाहित भएका छन् । यसरी विभिन्न पृष्ठभूमिबाट आएका कर्मचारीहरुको उचित व्यवस्थापन एवम् व्यावसायिक दक्षता अभिबृद्धि गरी बैंकको व्यावसाय वृद्धिमा टेवा हुने गरी कार्यक्रमलाई निरन्तरता दिने भएको छ ।

१४. मुलुकले अबलम्बन गरेको संघीय संरचना बमोजिम ७ वटै प्रदेश कार्यालयहरुको काम, कर्तव्य अधिकार थप गर्दै अधिकार सम्पन्न बनाउँदै लैजाने नीति लिइएको छ ।

१५. समाजको जिम्मेवार कर्पोरेट सदस्यको हैसियतमा बैंकले आफ्नो संस्थागत सामाजिक उत्तरदायित्वलाई सदैव प्राथमिकतामा राख्दै आएको छ । शिक्षा, स्वास्थ्य, दैवी प्रकोप, वातावरण संरक्षण लगायत एवम् विपन्न वर्गको जीवनस्तर उठाउनका लागि सक्दो सहयोगको नीति अबलम्बन गर्ने भएको छ ।

१६. बैंकले जोखिम व्यवस्थापन तथा अनुपालनालाई अत्यन्तै महत्वको साथ अबलम्वन गर्दै आईरहेको छ । सञ्चालक स्तरीय जोखिम व्यवस्थापन समिति एवं व्यवस्थापन तहको जोखिम व्यवस्थापन समिति गठन गरी बैंकका विभिन्न किसिमका जोखिमहरुको पहिचान तथा न्यूनीकरणका विधिहरु अबलम्वन गर्दै आईरहेको छ । हाल कार्यान्वयनमा रहेका विभिन्न विधि र प्रकृयाहरुमा थप पुनरावलोकन गरी आवश्यकता अनुसार जोखिम व्यवस्थापन तथा अनुपालनालाई प्रभावकारी बनाउने भएको छ । 

१७. बैंकले जोखिम व्यवस्थापन कार्यलाई अझ बढी प्रभावकारी बनाउने र अन्तर्राष्ट्रिय असल अभ्यासहरुलाई अनुसरण गरी कार्यान्वयन गर्ने गराउने कार्यलाई जोड दिने छ । यसका लागि समीक्षा वर्ष देखिनै International Finance Corporation (IFC) को Advisory Services लिई कार्य प्रारभ्भ गरिएको छ । यसवाट बैंकको जोखिम व्यवस्थापन कार्य थप प्रभावकारी हुने विश्वास लिएको छ ।

१८. कर्जाको गुणस्तरमा सुधार गर्ने गराउने, नियमित रुपमा ऋणीको व्यावसायको अनुगमन तथा निरीक्षण कार्यको कार्यान्वयन गर्ने र पूर्व चेतावनीका लक्षण देखिएका कर्जाहरुको समयमानै पहिचान तथा व्यवस्थापन गर्न समीक्षा वर्ष देखिनै केन्द्रिय स्तरमा Credit Monitoring Unit गठन गरी कार्यारम्भ गरिएको बैंकले जनाएको छ र यसलाई थप प्रभावकारी बनाउँदै लग्ने भएको छ ।  

उल्लिखित मुख्य भावी कार्यक्रमहरुको निरन्तरताबाट बैंकको व्यवसाय वृद्धि गर्ने र जोखिम व्यवस्थापनका साथै विगतमा झैँ आगामी दिनमा शेयरधनीहरुलाई उच्च प्रतिफल तथा सुरक्षित लगानीको अनुभूति गराउन बैंक क्रियाशील रहने पोख्रेलले बताए ।

आगामी दिनमा ग्राहकहरुलाई उत्कृष्ट, विश्वासिलो, भरपर्दो सेवा प्रदान गर्ने, शेयरधनीहरुलाई उचित प्रतिफल दिने, राष्ट्रिय तथा अन्तर्राष्ट्रिय क्षेत्रमा बैंकको साखमा अभिवृद्धि हुने र अग्रिणी बैंकको रुपमा स्थापित गर्ने गरी भावी कार्यक्रमहरु संचालन गरिने बैंकका नायब प्रमुख कार्यकारी अधिकृत सुमन पोख्रेलले बताए ।

बैंकले ग्राहकमैत्री अत्याधुनिक डिजिटल नवप्रवद्र्धन सेवा प्रवाहलाई प्राथमिकतामा राख्दै आएको छ उनको भनाइ छ । उनले थपे,  'भविष्यमा समेत थप आयामहरु समेटी ग्राहकलाई प्रभावकारी सेवा पुर्याउने लक्ष्य लिएका छौँ ।'

भरपर्दो र विश्वासिलो डिजिटलमा आधारित सर्वसुलभ बैंकिगले सेवाग्राही र सेवा प्रदायक दुवैको समय र पैसा बचत हुनुको साथै बैंकको मानव संशाधनको लागत समेत घट्न जाने बैंकको विश्वास रहेको छ ।  आधुनिक प्रविधिमा आधारित व्यावसायिक सेवाबाट बैंकको दीर्घकालिन मजबुतिकरणमा मदत पुगि शेयरधनीहरुलाई उच्चतम प्रतिफल तथा सुरक्षित लगानीको अनुभूति दिलाउने अपेक्षा गरिएको पोख्रेलले प्रष्ट पारे ।

व्यवसायमा परेको प्रतिकुल असरका कारण कर्जा असुलीमा केही सिथिलता आउदा कर्जा नोक्सानी वापतको रकम बढ्दा बैंकको वितरणयोग्य मुनाफामा प्रभाव पारेको बैंकले जनाएको छ । यसका साथै सरकारले शेयर प्रिमियम तथा मर्जर वा प्राप्तिमा शेयर आदान प्रदानको भिन्नता रकमलाई आयको रुपमा गणना गरी कर असुली गर्ने नीति लिदा बैंकले गएको वर्ष एक अरब बत्तिस करोड उनान्चालिस लाख एकसठ्ठी हजार तीनसय एकासी रुपैयाँ बुझाउनु परेको थियो । यसले गर्दा बैंकको जगेडा कोषमा असर गर्नुका साथै लाभांशमा पनि प्रभाव पारेको बैंकका सञ्चालक समितिका अध्यक्ष चन्द्र ढकालले बताए ।

उनले भने 'यसै अवधिमा एकैपटक ठुलो रकम करको रुपमा नेपाल सरकारलाई दाखिल गर्नु पर्ने अवस्था परेकोले बैंकको वितरणयोग्य मुनाफामा प्रत्यक्ष असर पर्न गई गत वार्षिक साधारण सभामा व्यक्त गरे अनुरुप अपेक्षाकृत प्रतिफल वितरण गर्न सक्ने अवस्था नभएको जानकारी गराउन चाहान्छु ।'

बैंकले पूँजीकोषमा थप दवाव पर्न नदिने उद्देश्यका साथ यस वर्ष पनि शेयरधनीलाई ५.५ प्रतिशत बोनस शेयर वितरण गरेको छ । यसबाट बैंकको पूँजीगत संरचना अझै सुदृढ भै सम्बन्धित सबै पक्षको विश्वास बढ्ने तथा व्यवसाय विस्तारमा सहयोग पुग्ने बैंकले विश्वास लिएको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?