एनआइसी एशिया सहित चार बाणिज्य बैंकले पुसमा सधारणसभा गर्न सकेनन्, ११ वटाले लाभांश दिदा बाँकीको हात खाली

काठमाडौं । बाणिज्य बैंकहरु मध्ये ११ वटाले मात्रै शेयरधनीलाई लाभांश दिएका छन् । गत आर्थिक वर्ष २०८०/८१ को मुनाफाबाट ९ वटा बैंकका शेयरधनीको हात खाली हुने भएको छ ।

अहिलेसम्म १७ वटाले साधारणसभा टुङ्गो लगाएका छन् भने अझै तीन वटाको साधारणसभा कहिले हुने अत्तोपत्तो छैन । एनआइसी एशिया बैंक, कुमारी बैंक, नेपाल इन्भेष्टमेन्ट मेगा बैंक र नेपाल बैंकले अझै पनि साधारणसभाको घोषणा गर्न सकेका छैनन् ।

हालसम्म एभरेष्ट बैंक, स्ट्याण्डर्ड चार्टर्ड बैंक, नविल बैंक, सिटिजन बैंक, प्राइम बैंक, सानिमा बैंक र ग्लोबल आइएमई बैंकले साधारणसभा सम्पन्न गरिसकेका छन् । एनएमबी बैंक, सिद्धार्थ बैंक, माछापच्छ्रे बैंक, नेपाल एसबिआइ बैंक, हिमालयन बैंक, कृषि विकास बैंक, राष्ट्रिय बाणिज्य बैंक, प्रभु बैंक र लक्ष्मी सनराइज बैंकले साधारणसभाको मिति तय गरिसकेका छन् ।

लाभांश वितरणमा खुम्चिदै बाणिज्य बैंक

बाणिज्य बैंकहरुको लाभांश हरेक वर्ष खुम्चिदै आइरहेको छ । प्रतिकुल आर्थिक अवस्थालाई मध्यनजर गर्दै राष्ट्र बैंकले लाभांश वितरणमा रोक लगाउदा बाणिज्य बैंकहरुको लाभांश खुम्चिएको हो । यस वर्ष सबैभन्दा धेरै स्ट्याण्डर्ड चार्टर्ड बैंकले सबैभन्दा धेरै २५.५ प्रतिशत लाभांश वितरण गरेको छ । दोस्रो धेरे एभरेष्ट बैंकले १५.५३ प्रतिशत लाभांश दिएको छ ।

नेपाल एसबिआइ बैंकले १०.६५ प्रतिशत दिदा नबिल बैंकले १० प्रतिशत वितरण गरिसकेको छ भने कृषि विकास बैंकले पनि १०.५३ प्रतिशत दिने घोषणा गरेको छ । बाँकी लक्ष्मी सनराइज बैंकले ५.२५ प्रतिशत, ग्लोबल आइएमइले ५.५ प्रतिशत, सिद्धार्थले ४ प्रतिशत, प्राइम बैंकले ५ प्रतिशत, सानिमा बैंकले ५.२६ प्रतिशत, सिटिजनले ४.२१ प्रतिशत लाभांश दिएको छ ।

अघिल्लो आर्थिक वर्ष २०७९/८० मा १२ वटाले लाभांश दिएका थिए । यस वर्षमा एनआइसी एशियाले सबैभन्दा धेरै ३०.५२ प्रतिशत लाभांश दिएको थियो तर यस वर्ष लाभांश दिन सक्ने अवस्थामा छैन । गएको वर्ष लाभांश दिएका राष्ट्रिय बाणिज्य बैंक (५.५ प्रतिशत) र माछापुच्छ्रे (१४ प्रतिशत) बैंकले यस वर्ष दिएनन् । आर्थिक वर्ष २०७७/७८ मा १७ वटाले बाणिज्य बैंकले लाभांश दिएका थिए ।

आर्थिक वर्ष २०७७/७८ पछि बाणिज्य बैंकहरुले राम्रो सँग लाभांश वितरण गर्न नपाउदा बैंकहरुको जगेडा कोष पूँजी भन्दा बलियो हुँदै गइरहेको छ ।

बाणिज्य बैंकहरुको लाभांश तथा साधारणसभा

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?