चार पटक लिलामीको सूचनामा वेवास्था गर्ने, लिलाम पछि आन्दोलन गर्ने कृषि विकासका शक्तिशाली ग्राहक !

काठमाडौं । कृषि विकास बैंकले लाहान शाखामा भएको तोडफोड तथा कर्मचारीहरुलाई गरिएको व्यवहार प्रति गम्भिर ध्यानाकर्षण गराउदै भ्रमित सूचनाको पछि नलाग्न अनुरोध गरेको छ । 

बैंकको शाखा कार्यालय लहानका प्रबन्धक लगायतका कर्मचारीहरुलाई जोडेर विभिन्न सामाजिक संजाल तथा संचार माध्यमहरुमा प्रकाशित कपोलकल्पित तथा भ्रमपुर्ण समाचार तथा अत्यावश्यक सेवा अन्तरगत रहेको बैकिंग सेवानै ठप्प हुनेगरी दैनिक कामकाज गर्न वाधा पुग्ने गरी बैंकमा तालावन्दी ढुङ्गा मुढा तथा होहल्ला गर्नाका साथै बैंकिङ्ग सेवा वन्द गर्ने लगायतको कार्य प्रति बैंकले गम्भिर ध्यानाकर्षण गराएको हो । 

यसरी सत्य तथ्य भन्दा बाहिर गई वास्तविकता भन्दा फरक ढंगले सम्प्रेषित समाचार तथा अराजक गतिविधिले यस बैंकका ग्राहक, सरोकारवाला एवं सर्वसाधारणमा भ्रम श्रृजना भएको तथा बैंकको सेवा प्रवाह अवरुद्ध भएको बैंकले जनाएको छ। यस खालका अमर्यादीत एवं अवान्छित व्यवहार गरी बैंक जस्तो संवेदनशिल स्थानमा हुलहुज्जत भएको घटनाको सम्बन्धमा सत्य तथ्य विवरण सरोकारवाला सबैको जानकारीको लागि सम्प्रेषण गर्न आवश्यक देखिएकोले यो प्रेश विज्ञपत्ती नै जारी गरेको छ । 

सिराहाका रामचन्द्र यादवले कृषि विकास बैंकको लहान शाखा कार्यालयबाट २०७७ फागुनमा सरल कृषि कर्जा र व्यक्तिगत ओभरड्राफ्ट शीर्षक अन्तर्गतको कर्जा लिएका थिए । तर उनले कहिल्यै पनि बैंकलाई साँवा एवं व्याज भुक्तानी गरेनन् । यसरी समयमा व्याज तथा किस्ता भुक्तानी नगरेपछि भुक्तानीका लागि बैंकले पटक पटक मौखिक एवं लिखित रुपमा पत्राचार गर्यो । 

पटक पटक ताकेता गर्दा पनि भुक्तानी गर्न नआए पछि बैंकले २०७९ बैशाख २० र २१ गते सार्वजनिक सुचना मार्फत जानकारी गरायो । यसरी सूचना जागरी गर्दा पनि नआए पछि बैंकले यादवको धितो लिलामका लागि पहिलो पटक २०७९ माघ २३ गते सूचना जारी गर्यो । यादव यस अवधिसम्म पनि बैंकको सम्पर्कमा आएनन् । त्यस पछि बैंकले दोस्रो पटक २०८० जेठ १७ गते दोस्रो पटक सूचना जारी गर्यो । बैंकले २०८० मंसिर ४ गते राष्ट्रिय दैनिक पत्रिकामै सूचना प्रकाशन गर्यो । यसरी बैंकले भाखा नाघेको कर्जाको साँवा र व्याज तिर्न वारम्वार मौका दिदा पनि यादवले तिरेनन् । 

यसरी चौथो पटक लिलामीको सूचना जारी गरे पछि रितपुर्वक परेको आवेदन अनुरुप बैंकले सबैभन्दा धेरै बोलकबोल गर्नेलाई बिक्री गरिदियो । यसरी बैंकले विद्यमान कानूनी प्रकृया एवं प्रचलित बैंकिङ्ग अभ्यासको पूर्ण अवलम्बन गरी सम्पन्न गरेको धितो लिलामी प्रकृयामा असहमति जनाई ऋणी / धितो जमानत दाता समेतको संलग्नतामा मिति २०८१ / ०९ / ११ गते र मिति २०८१/०९/२३ गतेका दिन केही व्यक्तिहरुले यस बैकको लहान शाखाको प्रांगण आसपास तथा लहान बजार भरी भ्रम सिर्जना हुनेगरी गलत प्रचार प्रसार नाराबाजी गर्ने, हुल हुज्जत गर्ने सामाजिक संजाल तथा अन्य संचार माध्यममा सत्य तथ्य विपरित अनर्गल तथा कपोलकल्पित समाचार सम्प्रेषण गराउने काम गरेको बैंकले जनाएको छ ।

यसरी जनमानसमा भ्रम श्रृजना गर्ने तथा बैंकको नियमित कारोवार सञ्चालनमा बाधा पुग्ने गरी कार्यालयमा तालावन्दी गर्नुका साथै कर्मचारीहरुमाथि अमर्यादीत तरिकाले गालि गलौज र धाकधम्की दिई बैंकको मुल गेटमा समेत पाल विच्छाई धर्नामा वसी बैंक सञ्चालनमा समेत बाधा पुयाएका छन् । 

आज पुनः निज ऋणी सहितको अराजक भीड जम्मा भई यस बैंकको लहान शाखामा तालावन्दी गर्ने, ढुङ्गामुढा तथा तोडफोड गर्ने जस्ता अवाञ्छित गतिविधि गरी बैंकको भौतिक सम्पत्तिको नोक्सानी गराउने, बैंकको सेवा अवरुद्ध गराउने तथा बैंक कर्मचारीहरुको सुरक्षामा समेत गंभीर आँच आउन सक्ने खालका गैर कानूनी तथा अवाञ्छित कार्य भएको बैंकले जनाएको छ ।

निज ऋणी लगायत आन्दोलन र धर्ना दिने व्यक्तिहरु कानूनी उपचार खोज्नु भन्दा पनि बैंकको बदनाम तथा विरोध गर्ने र अफवाह फैलाउने, बैंकको भौतिक सम्पत्तिको क्षति गराउने, बैंक कर्मचारीहरुको मनोवल गिराउने तथा समग्र बैंकिङ्ग सेवा अवरुद्ध गराउने तर्फ उद्यत देखिएकोले यस्ता खालको गैर कानूनी अवाञ्छित गतिविधि प्रति बैंकले घोर भर्त्सना गर्दै आपत्ति सहित खेद प्रकट गरेको छ ।

यसरी गरिएको लिलाम प्रक्रिया चित्त नबुझेको खण्डमा कर्जा ग्राहक नियमानुसार कानूनी प्रकृयामा जानसक्ने अवस्था हुँदा हुँदै बैंक जस्तो सम्वेदनशील संस्थाको सेवा नै अवरुद्ध हुने गरी बाधा व्यवधान सिर्जना गर्नु कदापी उचित नहुने बैंकको भनाइ छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?