टिएमएसको समस्यामा मौकामा चौका ! घटाएर किन्न खोज्दा २५ अंकको गिरावट, बजार फर्किनेमा लगानीकर्ता ढुक्क

BFIS News
2025 Jan Sun 15:26

टिएमएसको समस्यामा मौकामा चौका ! घटाएर किन्न खोज्दा २५ अंकको गिरावट, बजार फर्किनेमा लगानीकर्ता ढुक्क

काठमाडौं । आज टिएमएसमा समस्या आउदा दोस्रो बजारमा कारोबार नै प्रभावित भयो । ह्याङ हुने तथा नचल्ने समस्याले अर्डर हाल्नेहरु पनि आत्तीने अवस्था बन्यो । यसैमा मौकामा चौका हान्दै गएका दिनमा बिक्री गरेर बसेका लगानीकर्ताले आज बजारमा मूल्य घटाएरै किन्न भ्याए ।

आज कारोबार सुरु भएको थोरै समय बजारमा सुधार हुने संकेत देखिएको थियो । तर टिएमएसमा एकाएक समस्या आए पछि लगानीकर्ताहरु आत्तीन पुगे । बजारमा अझै पनि कन्फिडेन्स बढ्न सकेको छैन । सरकार ढल्ने हल्लाले ससङ्कित लगानीकर्ताहरु अझै पनि पर्ख र हेरको अवस्थामा छन् । पैसा हुनेले थोरै थोरै गरेर शेयर उठाइरहेका छन् । हल्लाको भरमा शेयर किन्नेहरु भने अझै डराइरहेका छन् ।

यहि परिस्थितिलाई मौकामा चौका छोप्दै कतिपय लगानीकर्ताहरु बजार घटाउन उद्यत भएको नेपाल शेयरधनी संघका अध्यक्ष घनश्याम पाण्डेको आरोप छ । आज बजार सुधार हुने आकलन गरिएको थियो । बजारमा सकारात्मक हुने आधारहरु धेरै भए पनि अप्रत्यक्ष रुपमा अझै पनि शेयर बिक्री गरेर सेटलमेन्ट गर्ने लगानीकर्ताहरु छन् । उनिहरुका कारणले पनि बजारमा सप्लाइ आएको हुन सक्ने विश्लेषकहरु बताउछन् ।

नेपाल राष्ट्र बैंकले बजारबाट हरेक दिन तरलता तानेको तानेइ छ । त्यसमा पनि बैंक व्याजदर घट्ने अवस्थामै छ । माघ महिनाका लागि पनि व्याजदर घट्न सक्ने संकेतहरु देखिएकै छन् ।

आज नेप्से सूचक २५.४१ अंकले घटेको छ भने कारोबार रकम झण्डै चार अर्बको भएको छ । विन नेपाल लघुवित्तको शेयर मूल्यमा भने सकारात्मक सर्किट लागेको छ । आज सबैभन्दा धेरै फाइनान्समा गिरावट आएको छ । लगानीकर्ता भोलि बैंकहरुको घोषणा हुने व्याजदरबाट पनि डराएको हुन सक्ने विश्लेषकहरु बताउछन् । गएको महिनामा धेरै जसोले व्याजदर स्थिर राखेका थिए भने केहिले बढाएका थिए । जसले स्थिर राखेका थिए उनिहरुले थोरै भए पनि बढाउन सक्ने हुँदा लगानीकर्ताहरु आज आत्तीएका हुन् ।