सिद्धार्थ बैंकमा ५ सञ्चालक निर्विरोध निर्वाचित, शाह र अर्याल भित्रिए, अग्रवाल पालिखे र केडिया पुनर्निवाचित

काठमाडौं । सिद्धार्थ बैंकमा ५ सञ्चालक निर्विरोध निर्वाचित भएका छन् । बैंकको २३ औं वार्षिक साधारणसभाले संस्थापक शेयरधनी समुहबाट विरेन्द्र कुमार शाह, राहुल अग्रवाल र दिनेश शंकर पालिखेलाई निर्वाचित गरेको छ भने सर्वसाधारण शेयरधनीहरुको समुहबाट अंकित केडिया र भोजन अर्याललाई निर्वाचित गरेको हो । 

यस सँगै सञ्चालक समितिमा विरेन्द्र कुमार शाह र भोजन अर्यालको इन्ट्रि भएको छ भने राहुल अग्रवाल, दिनेश शंकर पालिखे र अंकित केडिया पुनर्निवाचित भएका छन् । बैंकको २३ औं वार्षिक साधारणसभाले ५ जनाको निर्वाचनलाई अनुमोदन गरेको छ । 

आज सम्पन्न साधारणसभाले शेयरधनीका लागि ४ प्रतिशत लाभांश पनि पारित गरेको छ । यसका साथै सभाले साढे तीन अर्ब रुपैयाँको असञ्चिती अग्राधिकार शेयर जारी गर्ने प्रस्ताव पनि पारित गरेको छ । 

सभाले आर्थिक वर्ष २०८०/८१ को सञ्चालक समितिको २३ औं वार्षिक प्रतिवेदन उपर छलफल गरी पारित गरेको छ । लेखापरीक्षकको प्रतिवेदन सहित २०८१ आषाढ मसान्तको वित्तीय अवस्थाको विवरण र मिति २०८० श्रावण १ देखि २०८१ आषाढ मसान्त सम्मको नाफा नोक्सान विवरण, सोही अवधीको नगद प्रवाह विवरण, स्वपुँजी (इक्विटी) मा भएको परिवर्तनको विवरण र तत् सम्बन्धी अनुसूचीहरु पारित भएको छ ।

बैंकको सहायक कम्पनी “सिद्धार्थ क्यापिटल लिमिटेड.” को आ.व. २०८०/८१ को वित्तीय विवरण सहितको बैंकको एकीकृत वित्तीय विवरण उपर छलफल गरी पारित गरेको छ । कम्पनी ऐन, २०६३ को दफा १११ तथा बैंक तथा वित्तीय संस्था सम्बन्धी ऐन, २०७३ को दफा ६३ बमोजिम बैंकको लेखापरीक्षण समितिको सिफारिस बमोजिम आर्थिक वर्ष २०८१/८२ को लागि बाह्य लेखापरीक्षक नियुक्त गर्ने र निजको पारिश्रमिक तोकेको छ । कम्पनी ऐन २०६३ को दफा १११ (३) बमोजिम बहालवाला लेखापरीक्षक श्री एस.ए.आर. एसोसिएट्स, चार्टड एकाउण्टेण्ट्स पुनः नियुक्त गरेको हो । 

बैंकको चुक्ता पूँजी रु. १४,०८,९९,८०,१८५/– (अक्षरेपी चौध अर्ब आठ करोड उनानसय लाख असी हजार एक सय पचासी रुपैँया मात्र) को ४ प्रतिशतका दरले हुने रु. ५६,३५,९९,२०८/– (छपन्न करोड पैतीस लाख उनान्सय हजार दुई सय आठ मात्र) नगद लाभांश (कर प्रयोजनका लागि समेत) वितरण गर्न सभाले स्वीकृति दिएको छ । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?