पुस मसान्तमा १७ बाणिज्य बैंकको साधारणसभा सम्पन्न: एनआइसी सहित चारवटाले सकेनन्, कसले कति दिए लाभांश ?

काठमाडौं । आर्थिक वर्ष सम्पन्न भएको ६ महिना भित्रमा १६ वटा बाणिज्य बैंकहरु मात्रै साधारणसभा सम्पन्न गर्न सफल भएका छन् । कुमारी बैंकले आगामी माघ २१ गते साधारणसभा आह्वान गरे पनि बाँकी तीन वटा एनआइसी एशिया, नेपाल बैंक र नेपाल इन्भेष्टमेन्ट मेगा बैंकले अझै पनि साधारणसभाको मिति तय गर्न सकेका छैनन् ।

आज हिमालयन बैंक, कृषि विकास बैंक, राष्ट्रिय बाणिज्य बैंक र प्रभु बैंकले साधारणसभा गरेका छन् । यस बाहेक १३ वटा बाणिज्य बैंकहरु एनएमबी बैंक, सिद्धार्थ बैंक, माछापुच्छ्रे बैंक, एभरेष्ट बैंक, नेपाल एसबिआइ बैंक, स्ट्याण्डर्ड चार्टर्ड बैंक, नबिल बैंक, सिटिजन बैंक, प्राइम बैंक, सानिमा बैंक, ग्लोबल आइएमई बैंक र लक्ष्मी बैंकले साधारणसभा सम्पन्न गरिसकेका छन् ।

कम्पनी ऐन अनुसार समयमा साधारणसभा सम्पन्न गर्न नसक्ने चार वटाले तोकिए बमोजिमको हर्जना तिर्नु पर्ने भएको छ । यसका साथै यि चार वटा बैंक नेपाल स्टक एक्सचेन्जले गर्ने वर्गिकरणमा पहिलो वर्गमा पर्ने छैनन् ।

शेयरधनीको हात खाली नगर्ने बैंकहरु

बाणिज्य बैंकहरु मध्ये ११ वटाले मात्रै लाभांश दिएका छन् । बाँकी ८ वटाका शेयरधनीको हात खाली भएको छ । यस वर्ष सबैभन्दा धेरै लाभांश स्ट्याण्डर्ड चार्टर्ड बैंकले ६.५ प्रतिशत बोनस शेयर, १९ प्रतिशत नगद लाभांश सहित २५.५ प्रतिशत कुल लाभांश वितरण गरिसकेको छ । दोस्रो धेरै एभरेष्ट बैंकले १५.५३ प्रतिशत लाभांश प्रदान गरेको छ । एभरेष्टले १० प्रतिशत बोनस शेयर र ५.५३ प्रतिशत नगद प्रदान गरेको हो ।

त्यस्तै कृषि विकास बैंकले ३ प्रतिशत बोनस, ७.५३ प्रतिशत नगद सहित कुल १०.५३ प्रतिशत लाभांश वितरण गरेको हो । नेपाल एसबिआइसले पनि १०.६५ प्रतिशत दिएको छ । नविल बैंकले १० प्रतिशत नगद लाभांश वितरण गरिसकेको छ । अन्य बैंकहरु सिद्धार्थ बैंकले ४ प्रतिशत, लक्ष्मी सनराइजले ५.२६ प्रतिशत, प्राइम कमर्सियल बैंकले ५.५ प्रतिशत, सानिमा बैंकले ५.२६ प्रतिशत, ग्लोबलले ५.५ प्रतिशत र सिटिजन बैंकले ४.२१ प्रतिशत लाभांश दिएका छन् ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?