उद्योगका समस्या समाधान गर्न विजनेश क्लिनिक

काठमाडौं, २०८१ पौष २९ गते । उद्योग संगठन मोरङले माघ ११ देखि २० गतेसम्म आयोजना गर्ने आठौ संस्करणको विराट एक्स्पो २०२५ को अवलोकन गर्ने उद्योगी व्यवसायीहरुका उद्योग विशेषका समस्यालाई समाधान गर्ने प्रयत्न स्वरुप एक्स्पो स्थलमा विजनेश क्लिनिक पेभिलियन राख्ने तयारी गरेको छ ।

एक्स्पोमा विजनेश क्लिनिकलाई भर्चुअल प्लेटफर्मका रुपमा व्यवस्थीत गरेर अवलोकनकर्ता उद्योगी व्यवसायीहरुका उद्योग विशेष समस्याहरु दर्ता गर्ने र दर्ता गरिएका समस्याहरुलाई वर्गिकरण तथा आवश्यक प्रशोधन गरी तथ्यमा आधारित रहेर एक्स्पो अवधीमा “विजनेश क्लिनिकमा” बिषयमा सरोकारवाला र सम्बन्धीत अन्य निकायहरुको समेत उपस्थिीतीमा गहन छलफल र अन्तरिक्रया गरेर समस्या समाधानको प्रयत्न गर्ने संगठनको योजना छ ।

संगठनले यो क्लिनिक विगत तिनवर्ष देखि सञ्चालन गर्दै आएको छ । त्यस अवधिमा सुनसरी मोरङ औधोगिक क्षेत्रका विभिन्न ७५ वटा उद्योगको स्थलगत भ्रमण गरेर सम्बन्धीत उद्योगका १२२ वटा मुद्धा पहिचान गरेर समाधानकालागि आवश्यक पहल गरेको थियो ।

त्यही फिजिकल अवस्थालाई संगठनले एक्स्पो मार्फत भर्चुल प्लेटफर्ममा विकास गर्दै छ । यो प्लेटफर्म विकास भएपछि उद्योगीहरुले आफनो समस्या उद्योगमै वसेर दर्ता गरेर संगठनको डिजिटल प्लेटफर्ममार्फत समधान खोज्न सक्ने अवस्थाको सृजना हुने छ ।

संगठनले यो क्लिनिकलाई नियमित र व्यवस्थीत वनाउन कार्य समिति सदस्य पारस लुनियाको नेतृत्वमा वेग्लै समित तयार गरेको छ । संगठनले सञ्चालन गर्दै आएको यही विजनेश क्लिनिकको उपलब्धी र अवधारणालाई आधार मानेर चेम्बरहरुले गर्ने वहस पैरवीको क्षेत्रमा नयाँ आयाम थपेको मान्दै कन्फीडिरेशन अफ एशिया प्यासेफिक चेम्बर अफ कमर्स एण्ड इन्ड्रष्ट्रिले उद्योग संगठन मोरङलाई गत कात्तिकमा उत्कृष्ट च्याम्वर अवार्ड प्रदान गरेको थियो ।   

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन