गभर्नर अधिकारीले बझाङको साइपालमा उद्घाटन गरे नयाँ शाखा, ७५३ वटै स्थानीय तहमा वित्तीय सेवा विस्तार

काठमाडौं । नेपाल राष्ट्र बैंकका गभर्नर महाप्रसाद अधिकारीले एभरेष्ट बैंकले बझाङको साइपाल गाउँपालिकामा नयाँ शाखा उद्घाटन गरेका छन् । एक विशेष समारोहका बीच अधिकारीले उद्घाटन गरेका हुन् । 

एभरेष्ट बैंक लिमिटेडले बझाङको दुर्गम क्षेत्रसम्म आफ्नो सेवा विस्तार गर्दै स्थानीय बासिन्दाहरूलाई बैंकिङ सुविधा पुर्‍याएको छ। यस शाखाको स्थापना सँगै नेपालका ७५३ वटै स्थानीय तहमा वाणिज्य बैंकको वित्तीय सेवा विस्तार भएको छ । 

उद्घाटन समारोहमा गभर्नर अधिकारीले वित्तीय समावेशिताको महत्त्वमाथि प्रकाश पार्दै ग्रामीण भेगमा वित्तीय पहुँचको वृद्धि अर्थतन्त्रको सबलिकरणका लागि महत्वपूर्ण रहेको बताए । उनले एभरेष्ट बैंकको सेवा विस्तारले साइपाल गाउँपालिकाका स्थानीयहरूलाई सहज र प्रभावकारी बैंकिङ सेवा उपलब्ध गराउने विश्वास व्यक्त गरे ।

एभरेष्ट बैंक लिमिटेडले देशका विभिन्न भौगोलिक क्षेत्रहरूमा आफ्ना शाखाहरू विस्तार गर्दै आएको छ, जसले वित्तीय समावेशिता र आर्थिक विकासमा टेवा पुर्‍याउँदै आएको छ। बैंकले आगामी दिनहरूमा पनि अझ धेरै दुर्गम तथा ग्रामीण क्षेत्रमा सेवा विस्तार गर्ने योजना बनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?