मौद्रिक नीतिको अर्धवार्षिक समिक्षाले बैंक वित्तीय संस्थाको वित्तीय विवरण राम्रो आउने

काठमाडौं । नेपाल राष्ट्र बैंकले चालु आर्थिक वर्ष २०८१/८१ को मौद्रिक नीतिको अर्धवार्षिक समिक्षामा गरेका नीतिगत परिवर्तनले बैंक वित्तीय संस्थाको वित्तीय विवरणमा सुधार आउने देखिएको छ । राष्ट्र बैंकले अधिकांश दरहरु यथावत राख्दै बैंक तथा वित्तीय संस्थाको राम्रो वित्तिय प्रदर्शनलाई टेवा पुग्नेगरी मौद्रिक नितीको अर्धवार्षिक समिक्षा भएको बैंकिङ विज्ञ सुमन सुवेदीको विश्लेषण छ । 

राष्ट्र बैंकले असल कर्जालाई १ प्रतिशत प्रोभिजनिङ गरे पुग्ने व्यवस्था गरेको छ । यस भन्दा अगाडी असल कर्जामा १.१ प्रतिशत प्रोभिजनिङ गर्नु पर्ने व्यवस्था छ । यसबाट प्रोभिजनिङ फर्की नाफालाई राम्रो टेवा पुग्ने सुवेदीले बताए । 

मौद्रिक समिक्षा मार्फत लघुवित्तमा पनि आधार दर व्यवस्था अनुरूप कर्जा ब्याजदरको प्रणाली अवलम्वन गरिने भएको छ । यस सँगै पारदर्शी ब्याजदर प्रणाली लागु भएको सुवेदीको तर्क छ । 

व्यक्तिगत सवारी साधन र सबै प्रकारका विद्युतीय सवारी साधनको ऋण मूल्य अनुपातको सीमालाई ६० प्रतिशत कायम गरेको छ । यस भन्दा अगाडी इन्धन गाढीमा ५० प्रतिशत मात्रै कर्जा लगानी गर्न पाउने व्यवस्था छ । विद्युतीय सवारी साधनमा भने अव ८० प्रतिशतसम्म फाइनान्स रहेकोमा अव ६० प्रतिशत मात्रै फाइनान्स हुने भएको छ । विद्युत गाडीका नाममा वग्रेल्ती भित्रिएका ब्राण्डहरुका कारणले ८०% लगानी वास्तवमा जोखिममय रहेको सुवेदीको भनाइ छ । 

नन डेलिबरेवल कन्ट्रयाक्ट को सिमा प्राथमिक पुँजीको १५% वाट २०% पुऱ्याइएका ले foreign currency का कारणले हुने जोखिमलाई hedging गर्ने सिमा बढेकाले सकारात्मक अवस्था बनेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?