सात महिनामा बैंकहरुले कर्मचारीलाई छुट्टाए ६ अर्ब ११ करोड बोनस, कुन बैंकको कति ? (सूचिसहित)

काठमाडौं । चालु आर्थिक वर्षको ७ महिना (साउनदेखि माघसम्म) सञ्चालनमा रहेका २० वाणिज्य बैंकहरुले ६ अर्ब ११ करोड रुपैयाँ कर्मचारीलाई बोनस दिन बजेट छुट्याएका छन् । बैंकहरुले अहिले छुट्टाएको बोनस रकम आर्थिक वर्ष समाप्त भए पछि मात्रै प्राप्त गर्नेछन् । बोनस ऐन २०३० को दफा ५ अनुसार कुनै पनि प्रतिष्ठानले खुद नाफाको १० प्रतिशत रकम बोनस वितरणका लागि छुट्याउनुपर्छ।

चालु आर्थिक वर्ष २०८१/८२ को ७ महिनामा बैंकहरुले ३९ अर्ब ८९ करोड रुपैयाँ मुनाफा आर्जन गरेका छन् । बैंकहरुले उक्त मुनाफाबाट ६ अर्ब ११ करोड रुपैयाँ बोनस प्रोभिजनिङ गरेका छन् । बैंकहरु मध्ये सबैभन्दा धेरै नविल बैंकले ६३ करोड ६६ रुपैयाँ दिने भएको छ । नबिल बैंकले ४ अर्ब १ करोड रुपैयाँ मुनाफा आर्जन गरेको छ । 

दोस्रो धेरै बोनस ग्लोबल आइएमई बैंकका कर्मचारीले ६० करोड छुट्टाएको छ । बैंकले तीन अर्ब ८९ करोड रुपैयाँ मुनाफाबाट बोनस रकम प्रोभिजनिङ गरेको हो । तेस्रो धेरै बोनस रकम नेपाल इन्भेष्टमेन्ट मेगा बैंकले ५४ करोड ६४ लाख रुपैयाँ बोनस रकम प्रोभिजनिङ गरेको छ । बैंकले ७ महिनामा तीन अर्ब ४३ करोड रुपैयाँ मुनाफा आर्जन गरेको छ । 

एभरेष्ट बैंकले ७ महिनामा ४२ करोड ३९ लाख रुपैयाँ बोनस छुट्टाएको छ । बैंकले २ अर्ब ५७ करोड रुपैयाँ मुनाफा आर्जन गरेको छ । एनएमबी बैंकले ३६ करोड ९६ लाख रुपैयाँ बोनस प्रोभिजनिङ गरेको छ । प्रभु बैंकका कर्मचारीले ७ महिनाको मुनाफाबाट ३९ करोड ९६ लाख रुपैयाँ बोनस प्रोभिजनिङ गरेको छ । 

हेर्नुहोस् कुन बैंकको कति सूची 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?