जुन शिर्षकमा कर्जा लिएको हो त्यहि शिर्षकमा लगानी गर्न राष्ट्र बैंकको निर्देशन, कर्जा दुरुपयोग गर्नु दण्डनिय कार्य हो

काठमाडौं । नेपाल राष्ट्र बैंकले भिडियो सन्देश जारी गर्दै जुन शिर्षकमा कर्जा लिने हो सोही शिर्षकमा लगानी गर्न सबैलाई आह्वान गरेको छ ।

बैंकबाट कर्जा लिएर बैदेशिक रोजगार तथा अध्ययनमा खर्च गरिरहेको सन्दर्भलाई संकेत गर्दै राष्ट्र बैंकले यस्तो काम दण्डनिय हुने जनाएको छ । कुखुरा पालन गर्ने भनेर लिइएको कर्जा दुरुपयोग गरी छोराछोरीलाई विदेश पठाउन प्रयोग गरिरहेको तितो यथार्थलाई भिडियोमा देखाइएको छ ।

यदि बैंकले दिएको कर्जा सहि ढंगले उपयोग गरिएको नदेखिएमा बैंकले तुरुन्त असुली सम्बन्धी कारबाही अगाडी बढाउन सक्ने कानुनी व्यवस्थालाई पनि ध्यान दिन सुझाइएको छ । बैंकले तुरुन्त असुली सम्बन्धी कारबाही गर्न पत्र काट्ने भएकाले यसमा ध्यान दिनु पर्ने राष्ट्र बैंकले प्रष्ट पारेको छ ।

जुनसुकै कर्जा लिदा कर्जा तिर्ने व्यवहारिक योजना र स्रोत हुनु पर्ने भन्दै राष्ट्र बैंकले सबैलाई ध्यानाकर्षण गराएको छ । जुन शिर्षकमा कर्जा लिएको हो सोही शिर्षकमा लगानी गर्नु पर्ने भन्दै राष्ट्र बैंकले कर्जा दुरुपयोग गर्नु दण्डनिय कार्य भएको जनाएको छ ।

भिडियो सन्देश

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?