विग मर्जरबाट समृद्धितर्फ अघि बढ्दै लक्ष्मी सनराइज बैंक, वित्तीय सेवा विस्तारमा उल्लेखनीय उपलब्धि

काठमाडौं। लक्ष्मी सनराइज बैंकले २३ वर्ष पुरा गरी २४ औं वर्षमा प्रवेश गरेको छ। ऐतिहासिक मर्जरपछि बैंकको आकार, स्रोत, सञ्जाल र पहुँचमा मात्र होइन, ग्राहक र शेयरधनीहरूको अपेक्षामा पनि वृद्धि भएको छ। यससँगै, बैंकले शाखा समायोजन, कर्मचारी व्यवस्थापन र सञ्चालनमा प्रभावकारिता जस्ता महत्वपूर्ण उपलब्धी हासिल गर्न सफल भएको छ।

संस्थागत सुशासन र जिम्मेवार बैंकिङ्गलाई आत्मसाथ गर्दै दिगो वित्तीय विकासको लक्ष्यसहित, बैंकले उत्कृष्ट ग्राहक सेवा प्रदान गर्नका लागि अधिकतम योजनाहरू कार्यान्वयन गर्दै आएको छ। वित्तीय सेवा क्षेत्रको सशक्तिकरणका लागि कटिबद्ध एक अग्रणी संस्थाको रूपमा लक्ष्मी सनराइज बैंकले ग्राहक, व्यवसाय र समुदायलाई समृद्ध भविष्यतर्फ अघि बढाउने उद्देश्यलाई सफलतापूर्वक अघि बढाइरहेको छ।

हालसम्म, २३ लाखभन्दा बढी ग्राहकलाई सेवा दिइसकेको बैंकले ५९ जिल्लामा २५४ शाखा, २८ एक्सटेन्सन काउन्टर र ३२९ एटीएममार्फत आफ्नो सेवा विस्तार गर्न सफल भएको छ। संस्थाले २,७०० भन्दा बढी समर्पित कर्मचारीको साथमा ग्राहकलाई उत्कृष्ट वित्तीय सेवा प्रदान गर्दै आएको छ।

आठ वित्तीय संस्था तथा तीन सहायक कम्पनीहरूको गौरवपूर्ण विरासत बोकेको लक्ष्मीसनराइज बैंकले हालसम्म ३४८ अर्ब रुपैयाँ निक्षेप संकलन गरेको छ भने कुल सम्पत्ति ४१० अर्ब रुपैयाँ पुगेको छ। यी तथ्याङ्कहरू केवल सङ्ख्याहरू मात्र नभई ग्राहकहरूको विश्वास र संस्थाले हासिल गरेको प्रगतिको प्रमाण हुन्। संस्थाले विगतमा देखाएको सफलता आगामी दिनमा अझ प्रभावकारी रूपमा अगाडि बढ्ने विश्वास गरिएको छ।

वार्षिकोत्सवको अवसरमा बैंकका प्रमुख कार्यकारी अधिकृत अजय शाहले भने, "हामी तपाईंहरूको विश्वासकै कारण आज यहाँसम्म आइपुगेका छौँ। हामी दिगो रूपमा अघि बढ्दै, सम्पूर्ण हितधारकहरूका लागि स्थायी मूल्य सिर्जना गर्न प्रतिबद्ध छौँ।"

आन्तरिक अर्थतन्त्रमा समग्र वस्तु तथा सेवाको मागमा कमी, आर्थिक शिथिलता, र बैंकिङ्ग प्रणालीमा थप चुनौतिहरू रहेका छन्। एकातर्फ बैंकहरूमा अत्यधिक तरलता उत्पन्न भएको छ भने ब्याजदर न्यून अंकमा रहेको र कर्जाको माग अत्यधिक कम रहेको छ। प्रतिकूल आर्थिक परिस्थितिका कारण कर्जा असुलीमा समस्या उत्पन्न भएको र कर्जाको गुणस्तर खस्किँदो क्रममा रहेको छ, जसले बैंकिङ्ग क्षेत्रमा थप चुनौतीहरू सिर्जना गरेको छ। यस्तो जटिल परिस्थितिमा पनि बैंकले आफुलाई सम्हाल्दै आएको छ।

बैंकले ग्राहकहरूको पहुँचलाई सहज बनाउनका लागि अनलाइन खाता खोल्ने Ctrl + O सेवा र अनलाइन ग्राहक पहिचानको Video KYC सेवा सञ्चालनमा ल्याएको छ। यसबाट बैंक खाता खोल्नका लागि बैंकसम्म पुग्नुपर्ने बाध्यता अन्त्य भएको छ र बैंक शाखा नपुगेको स्थानका वासिन्दा तथा विदेशमा रहेका ग्राहकहरूले पनि खाता खोल्न र ग्राहक पहिचान विवरण अद्यावधिक गर्न सक्ने छन्। यसले कागजरहित बैंकिङ्ग र आधुनिक प्रविधिको प्रयोगलाई बढावा दिएको छ।

प्रविधिको माध्यमबाट कागजरहित बैंकिङ्गको प्रवृत्तिलाई प्रोत्साहन गर्दै वातावरण संरक्षणमा योगदान पुर्याउनको लागि बैंकले Orange Love Green अवधारणामा आधारित Green Savings खाता सञ्चालनमा ल्याएको छ। यस खातामा जम्मा भएको मौज्दात दिगो विकास लक्ष्यअन्तर्गत नवीकरणीय उर्जा, हरित यातायात, कृषि, वनविज्ञान, फोहोर व्यवस्थापन, र हरितगृह ग्यास नियन्त्रण जस्ता क्षेत्रहरूमा लगानी गरिने बैंकको योजना रहेको छ।

विशेषगरी, युवा तथा विदेशमा रहेका ग्राहकहरूको आवश्यकतामा ध्यान दिँदै बैंकले पूर्ण रूपमा डिजिटल बैंकिङ्ग सेवा उपलब्ध गराउने OrangeNXT नामक एप्लिकेसन आधारित डिजिटल बैंकिङ्ग सेवा सुरु गरेको छ। यसबाट ग्राहकहरूले डिजिटल माध्यमबाट खाता खोल्न, बचत गर्न, रकमान्तर गर्न, र मूदत खाता खोल्न लगायतका सुविधाहरू प्राप्त गर्न सक्नेछन्।

बैंकको सञ्चालन र लगानीबाट वातावरण र सामाजिक प्रभावलाई सम्बोधन गर्नका लागि बैंकले वातावरणीय र सामाजिक नीति (E&S Policy) लागू गरेको छ। यसअन्तर्गत, प्रमुख कार्यकारी अधिकृतको नेतृत्वमा E&S Leadership Council गठन गरिएको छ र वातावरणीय तथा सामाजिक प्रभावको मूल्याङ्कन र व्यवस्थापन गर्न विशेष इकाई सञ्चालन गरिएको छ। यस पहलका रूपमा, बैंकले वातावरणीय प्रभाव न्यूनिकरणका उपायहरू अपनाउँदै आवासीय घर बनाउने ग्राहकहरूका लागि Green Home Advantage Loan सुविधा सञ्चालन गरेको छ।

महिला मैत्री कार्यस्थलका रूपमा पनि बैंकले विभिन्न पहलहरू गरेको छ। हात्तीसारस्थित प्रधान कार्यालयमा स्तनपान गराउने महिला कर्मचारीहरूका लागि Mother’s Room स्थापना गरिएको छ र यसलाई अन्य स्थानहरूमा पनि विस्तार गर्ने लक्ष्य राखिएको छ। साथै, अन्तर्राष्ट्रिय महिला दिवसको अवसरमा महिला नेतृत्व विकासका लागि विशेष अन्तरक्रिया कार्यक्रमको आयोजना पनि गरिएको छ।

यसरी लक्ष्मी सनराइज बैंकले ग्राहक र समुदायको विकासमा ध्यान पुर्याउँदै दिगो वित्तीय विकास र समाजिक उत्तरदायित्वको पक्षमा आफ्नो भूमिका अघि बढाइरहेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?