मितेरी डेभलपमेण्ट बैंकको नाफामा ३५.४१ प्रतिशतले वृद्धि, मुख्य आम्दानीमा गिरावट

काठमाडौं । मितेरी डेभलपमेण्ट बैंक लिमिटेड (MDB) ले आर्थिक वर्ष २०८१/८२ को तेस्रो त्रैमासको वित्तीय विवरण सार्वजनिक गरेको छ। प्रतिवेदन अनुसार बैंकको खुद नाफा ३५.४१% ले वृद्धि भई रू. ९.२४ करोड पुगेको छ, जुन अघिल्लो आर्थिक वर्षको सोही अवधिमा रू. ६.८२ करोड मात्र थियो।

नाफा वृद्धिको मुख्य कारण भनेको ९१.८५% ले घटेको impairment charges र ३५.४१% ले वृद्धि भएको सञ्चालन नाफा हो, जुन हाल रू. १३.२० करोड पुगेको छ। बैंकको चुक्ता पूँजी ९.५१% ले वृद्धि भई रू. १.२१ अर्ब पुगेको छ भने वितरणयोग्य नाफा १००.५५% ले उकालो लाग्दै रू. १०.८३ करोड पुगेको छ।

तर, नाफा वृद्धि भए तापनि बैंकको मुख्य बैंकिङ आम्दानीमा गिरावट देखिएको छ। शुद्ध ब्याज आम्दानी ३१.४४% ले घट्दै रू. १३.२६ करोडमा सीमित भएको छ, जुन अघिल्लो वर्षको सोही अवधिमा रू. १९.३४ करोड थियो।

त्यसैगरी, बैंकको निक्षेप ३.९०% ले घट्दै रू. ६.१७ अर्बमा झरेको छ भने संचित नाफा ३०.४६% ले घटेको छ। यद्यपि, कर्जा प्रवाह भने २२.४४% ले वृद्धि भई रू. ४.४५ अर्ब पुगेको छ। बैंकका कर्मचारी खर्चहरू पनि १०.०९% ले बढेका छन्, जसले सञ्चालन खर्चको वृद्धि देखाउँछ।

वित्तीय सूचकांकको हिसाबले बैंकले सुदृढ सम्पत्ति गुणस्तर देखाएको छ, जसमा बैंकको Non-Performing Loan (NPL) अनुपात २.६३% बाट घटेर ०.७८% मा झरेको छ। बैंकको पूँजी पर्याप्तता अनुपात (Capital Adequacy Ratio) ३४.१९% मा सुधार भएको छ भने कोषको लागत ८.२९% बाट घटेर ५.६१% मा झरेको छ।

वार्षिक आधारमा आम्दानी प्रतिशेयर (EPS) २३.६५% ले वृद्धि भई रू. १०.१३ पुगेको छ। यद्यपि, प्रति शेयर खुद मूल्य (Net Worth) ३.७१% ले घट्दै रू. १३८ मा झरेको छ। तेस्रो त्रैमासको अन्त्यमा बैंकका सेयरहरू रू. ६०८.८७ मा कारोबार भइरहेका थिए, जसको मूल्य-आर्जन अनुपात (PE Ratio) ६०.११ गुणा रहेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?