![$adHeader[0]['title']](https://bfisnews.com/images/bigyapan/1760080292_64756700.gif)
सिटिजन्स बैंकको इम्पेयरमेन्ट चार्जमा तीव्र वृद्धि, नाफा घट्यो
- BFIS News
- 2025 Apr 20 09:00
काठमाडौं । चालु आर्थिक वर्षको तेस्रो त्रैमाससम्म सिटिजन्स बैंक इन्टरनेसनल लिमिटेडको नाफा २०.६० प्रतिशतले घटेको छ।
सो अवधिमा बैंकले ९६ करोड १८ लाख रुपैयाँ खुद नाफा कमाएको छ, जबकि अघिल्लो वर्षको सोही अवधिमा नाफा १ अर्ब २१ करोड १४ लाख रुपैयाँ थियो।
नाफामा आएको गिरावटको प्रमुख कारण इम्पेयरमेन्ट चार्जमा देखिएको उल्लेख्य वृद्धि हो। गत वर्ष ९८ करोड ५७ लाख रुपैयाँ रहेको चार्ज यो वर्ष दोब्बरभन्दा बढी बढेर २ अर्ब १६ करोड ४० लाख रुपैयाँ पुगेको छ।
यद्यपि, बैंकको खुद ब्याज आम्दानीमा सुधार देखिएको छ। उक्त आम्दानी ४ अर्ब २५ करोड रुपैयाँबाट बढेर ४ अर्ब ७४ करोड रुपैयाँ पुगेको छ।
बैंकको चुक्ता पुँजी १४ अर्ब ७६ करोड ९० लाख रुपैयाँ रहेको छ भने जगेडा कोषमा ७ अर्ब ६२ करोड ७३ लाख रुपैयाँ सञ्चित छ। बैंकको वितरणयोग्य नाफा १६ करोड २६ लाख रुपैयाँ रहेको छ।
प्रति शेयर आम्दानी (EPS) हाल ८ रुपैयाँ ६८ पैसा रहेको छ भने प्रति शेयर नेटवर्थ १५२ रुपैयाँ ७५ पैसा कायम छ। यस अवधिमा बैंकको गैर-कार्यकारी कर्जा (NPL) दर ५.७१ प्रतिशत पुगेको छ, जुन नियामकीय सिमाभन्दा माथि हो र जोखिम संकेतकका रूपमा हेरिएको छ।
शेयर गर्नुहोस
प्रतिक्रिया दिनुहोस्
सम्बन्धित समाचार
प्रतिक्रिया