गाडी किन्ने सोचमा हुनुहुन्छ ? कृषि विकास बैंकले सहुलियत व्याजदरमा ८० प्रतिशतसम्म कर्जा दिने

काठमाडौं । नाडा अटो सोको अवसरमा कृषि विकास बैंकले गाडी कर्जा सम्बन्धी विशेष व्यवस्था सार्वजनिक गरेको छ । बैंकले अटो सोलाई मध्यनजर गर्दै ५० प्रतिशतदेखि ८० प्रतिशतसम्मको डाउन पेमेन्टमा अटो कर्जाको स्किम ल्याएको हो ।

ग्राहकमैत्री कृषि विकास बैंकले आफ्ना शाखा कार्यालयबाटै छानी छानी गाडी किनिदिने व्यवस्था मिलाएको छ । बैंकले आवस्यक कागजपत्र प्राप्त भएको ७ देखि १० दिन भित्रमा कर्जा उपलब्ध गराउनेछ । बैंकले व्यक्तिगत अटो कर्जा तर्फ कुल लगातको ५० प्रतिशत कर्जा उपलब्ध गराउनेछ । त्यस्तै संस्थागत रुपमा कुल लागतको ६५ प्रतिशत कर्जा दिनेछ । विद्युतीय सवारी साधनलाई भने प्रोत्साहित गर्दै कुल लगातको ८० प्रतिशतसम्म कर्जा दिनेछ ।

आजदेखि भृकुटी मण्डपमा नाडा अटो चलिरहेको छ । यस अवसरमा गाडी बिक्रेताहरुले विभिन्न आकर्षक अफरहरु ल्याएका छन् । यहि क्रममा बैंकहरुले पनि सहुलियत व्याजदरमा गाडी चढ्ने सपना पुरा गरिदिदै छन् । कृषि विकास बैंक अन्य सरकारी बैंक भन्दा अलि बढी ग्राहकमैत्री र रिटेल बैंक हो । यसको आधार नै कृषक भएको हुँदा यसका ग्राहक धेरै छन् । प्रतिस्पर्धात्मक युगमा बैंकले अन्य बैंकहरु सरह सरल र सहज बैंकिङको अभ्यास गर्ने क्रममा अटो कर्जामा पनि यस्तो अफर ल्याएको हो । 

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?