राष्ट्र बैंकले शेयर धितो कर्जामा लगाउदै आएको १२ करोडको सिमा हटाउने चर्चा सँगै शेयर बजारमा उछाल

काठमाडौं । नेपाल राष्ट्र बैंकले शेयरधितो कर्जामा लगाउदै आएको १२ करोडको सिमालाई परिमार्जन गर्ने चर्चा सँगै बुधबार शेयर बजारमा उछाल आएको छ । अर्थमन्त्रीले गभर्नर अधिकारीलाई लगातार शेयरधितो कर्जाको सिमा हटाउन दिदै आएको दवावलाई गभर्नरले परिमार्जन गर्ने संकेत दिएका छन् ।

राष्ट्र बैंकले संस्थागत लगानी तर्फ १२ करोडको सिमा हटाउने संकेत गरेको छ । यदि १२ करोडको सिमा संस्थागत हुँदा संस्थापक तथा सर्वसाधारण लागनीकर्तामा खुकुलो बनाउने नीति लियो भने शेयर बजारले नयाँ गति लिने विश्लेषकहरुको विश्लेषण छ । यसले गर्दा बुधबार शेयर बजारमा ३९.४८ अंकले सुधार भएको छ ।

सरकारले स्थानीय तहको रकम मध्ये ६० प्रतिशत रकम निक्षेपको रुपमा गणना गर्न पाउने निर्णय गरिसकेको छ । यसले गर्दा सोमबार शेयर बजारमा सुधार देखिएको थियो । तर मंगलबा सोमबारको सुधारले निरन्तरता पाउन सकेन । आज फेरी शेयरधितो कर्जाको हल्लाले बजारमा ठुलो उछाल ल्यायो । शेयर बजारमा साना साना हल्ला र चर्चाले उतारचढाव आउने गरेको छ । तर नीतिगत व्यवस्था कार्यान्वयनमा नआएसम्म भर हुँदैन । लगानीकर्ताको मनोबल कमजोर भइरहदा यसले थप उर्जा थपेको छ ।

बुधबार नेप्से सूचक २००७.०६ अंकमा रोकिएको छ । कारोबार रकम पनि एक अर्ब ४९ करोड रुपैयाँको भएको छ । यसले पनि भोलिका दिनमा बजार थप बढ्ने संकेत गरेको छ । आज सर्वाधिक धेरै बीमा कम्पनीको शेयरमा सुधार देखिएको छ भने बाणिज्य बैंकको सूचक १२.५६ अंकले बढेको छ ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?