नेपाल राष्ट्र बैंकको प्रवक्तामा किरण पण्डित नियुक्त

काठमाडौं, जेठ २१। नेपाल राष्ट्र बैंकले कार्यकारी निर्देशक किरण पण्डितलाई प्रवक्ताको रूपमा नियुक्त गरेको छ। जेठ २१ गतेदेखि लागू हुने गरी उनलाई औपचारिक रूपमा बैंकको प्रवक्ताको जिम्मेवारी दिइएको हो।

वि.सं. २०६२ सालमा नेपाल राष्ट्र बैंकको सेवा प्रवेश गरेका पण्डितले बैंक सुपरिवेक्षण विभाग, बैंक तथा वित्तीय संस्था नियमन विभाग, तथा वित्तीय समावेशिता तथा ग्राहक संरक्षण महाशाखा लगायतका विभिन्न महत्त्वपूर्ण विभागहरूमा काम गर्ने अनुभव संगालिसकेका छन्। हाल उनि भुक्तानी प्रणाली विभागमा कार्यरत छन्।

राष्ट्र बैंकमा प्रवक्ताको भूमिका अत्यन्तै महत्वपुर्ण मानिन्छ। प्रवक्ता संस्थाको आधिकारिक आवाज हो, जसले सञ्चारमाध्यम, सर्वसाधारण, नियामक निकाय र अन्य सरोकारवालासँग प्रभावकारी रूपमा जानकारी सम्प्रेषण गर्नु पर्छ।

नेपाल राष्ट्र बैंकको नीति, योजना, निर्देशिका र महत्वपूर्ण निर्णयहरूबारे सार्वजनिक जानकारी दिने, बैंकको छवि सुधार्ने तथा सार्वजनिक सरोकारका विषयमा तत्काल प्रतिक्रिया दिने कार्य प्रवक्ताको मुख्य जिम्मेवारी हुन्छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?