दक्षिण अफ्रिकाका राजदूत अनिल सुकलालद्वारा राष्ट्रपति पौडेलसमक्ष ओहदा पत्र प्रस्तुत

BFIS News
2025 Jun 23 20:30

दक्षिण अफ्रिकाका राजदूत अनिल सुकलालद्वारा राष्ट्रपति पौडेलसमक्ष ओहदा पत्र प्रस्तुत

काठमाडौं, असार ९ गते, २०८२। दक्षिण अफ्रिकाको गणतन्त्रका महामहिम राजदूत प्रोफेसर अनिल सुकलालले नेपालका राष्ट्रपति रामचन्द्र पौडेल समक्ष ओहदा पत्र (credentials) प्रस्तुत गरेका छन्। ओहदा पत्र प्रस्तुत गर्ने कार्यक्रम काठमाडौंको शीतल निवासस्थित राष्ट्रपति भवनमा एक औपचारिक समारोहबीच सम्पन्न भएको हो।

समारोहको अवसरमा महामहिम प्रो. सुकलालले दक्षिण अफ्रिकाका राष्ट्रपति तर्फबाट शुभकामना र सन्देश राष्ट्रपति पौडेललाई हस्तान्तरण गरे।

उक्त कार्यक्रममा दक्षिण अफ्रिकाका लागि नेपालस्थित मानार्थ महावाणिज्यदूत प्रदीपकुमार श्रेष्ठ र दक्षिण अफ्रिकी कूटनीतिक मिसनका फर्स्ट सेक्रेटरी श्री पिटर समेत उपस्थित थिए।

समारोहले नेपाल र दक्षिण अफ्रिकाबीच बढ्दो कूटनीतिक सम्बन्ध र आपसी सहयोगको सम्भावनालाई प्रतिबिम्बित गरेको उल्लेख गरिएको छ।