एसीसी मेन्स यू-१६: फाइनलमा नेपालले सिंगापुरलाई २५ ओभरमा ७३ रनमै सीमित गर्‍यो

काठमाडौं, असार २१।   मलेसियाको बाँगीस्थित वाइएसडी युकेएम ओभल मैदानमा जारी एसीसी मेन्स यू–१६ इस्ट जोन कप क्रिकेट प्रतियोगिताको फाइनल खेलमा नेपालले सिंगापुरलाई २५ ओभरमा ७ विकेट गुमाएर जम्मा ७३ रनमै सीमित पारेको छ।

खेलको टस सिंगापुरका कप्तान रियान नाइकले जित्दै पहिले ब्याटिङ गर्ने निर्णय लिएका थिए। तर, नेपाली बलरहरूको उत्कृष्ट प्रदर्शनका कारण सिंगापुरले निर्धारण गरिएको २५ ओभरमा मात्र ७३ रन बनाउन सक्यो।

नेपालका सुसिल बहादुर रावलले सर्वाधिक ३ विकेट लिए भने अभय यादवले २ विकेट र शुभम खनालले १ विकेट लिए। सिंगापुरका लागि रोहन अस्टिन अरुणले १७ रन र कप्तान रियान नाइकले १५ रन बनाएर दोहोरो अंकमा रन जोड्ने दुई मात्र ब्याट्सम्यान बने।

नेपालले अब उपाधिका लागि सहज लक्ष्य पछ्याउनेछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन