हेटौँडामा १२२ करदाताविरुद्ध कारबाही प्रक्रिया सुरु

हेटौँडा, साउन २। आन्तरिक राजस्व कार्यालय हेटौँडाले लामो समयदेखि कर नतिर्ने १२२ जना करदाताविरुद्ध कारबाही प्रक्रिया अघि बढाएको छ।

कार्यालयका प्रमुख युक्तप्रसाद सुवेदीका अनुसार ती करदाताहरूले मूल्य अभिवृद्धि कर (भीएटी), आयकर, अन्तःशुल्क र अग्रिम करकट्टीको रकम लामो समयदेखि नबुझाएको पाइएपछि कारबाही प्रक्रिया थालिएको हो।

“अब पनि तोकिएको म्यादभित्र बक्यौता रकम दाखिला नगरे बैंक खाता रोक्का गर्ने, घरजग्गा र आयात–निर्यात प्रक्रिया रोक्ने लगायतका कानुनी प्रक्रिया अगाडि बढाइनेछ,” प्रमुख सुवेदीले चेतावनी दिए।

उनका अनुसार कर नतिर्ने करदाताहरूको विस्तृत अभिलेख तयार पारिएको छ। नियमित बजार अनुगमनका आधारमा चालु आर्थिक वर्ष २०८१/८२ मा करदाता संख्या वृद्धि भएको समेत कार्यालयले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन