साउनको पहिलो सोमबार: पशुपतिनाथ मन्दिरका चारै ढोका बिहान ३ बजेदेखि श्रद्धालुका लागि खुला

काठमाडौं, साउन ५।  साउन महिनाको पहिलो सोमबारको अवसरमा पशुपतिनाथ मन्दिरका चारवटै ढोका आज बिहान ३ बजेबाट श्रद्धालुका लागि खुला गरिएको छ।

पशुपति क्षेत्र विकास कोष (पशुपति विकास कोष) का पदाधिकारी अरुण बिसेतका अनुसार, आज पशुपतिमा करीब ५ लाखभन्दा बढी श्रद्धालुहरू आउने अनुमान गरिएको छ। यसलाई ध्यानमा राख्दै विशेष व्यवस्था गरिएको उनले जानकारी दिए।

साउन महिनाका सोमबार हिन्दू धर्मावलम्बीहरूले उपवास राखी भगवान् शिवको विशेष पूजा–आराधना गर्ने परम्परा रहेको छ। त्यसैले आज बिहानैदेखि पशुपतिनाथ मन्दिरमा ठूलो संख्यामा भक्तजनहरूको भिड लागेको छ।

यसैबीच, कोषले साउन महिनाभर गरिने विशेष पूजाका लागि रु. ७,५०० भन्दा कमको टिकट उपलब्ध नगराइने स्पष्ट पारेको छ।

साथै, मारवाडी समाजले प्रत्येक सोमबार पशुपतिनाथ परिसरमा निशुल्क भोजन वितरण गर्ने व्यवस्था गरेको छ, जसलाई साउनभर निरन्तरता दिइनेछ।

श्रद्धालुहरूको सहजताका लागि काठमाडौं उपत्यकाको रिङरोड क्षेत्रमा निशुल्क बस सेवा पनि सञ्चालनमा ल्याइएको छ, जुन प्रत्येक सोमबार उपलब्ध हुनेछ।

पशुपति विकास कोषले भक्तजनलाई अनुशासित र सुरक्षित रूपमा पूजा–आराधनामा सहभागी हुन आग्रह गरेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन