बिन्ध्यबासिनी हाईड्रोपावरको आइपिओ बाँडफाँड, १ लाख ३६ हजार ५०० जना आवेदकले पाए शेयर

BFIS News
2022 Jun 17 22:53

बिन्ध्यबासिनी हाईड्रोपावरको आइपिओ बाँडफाँड, १ लाख ३६ हजार ५०० जना आवेदकले पाए शेयर

बिन्ध्यबासिनी हाइड्रोपावर डेभलपमेन्ट कम्पनी लिमिटेडको आईपीओ बाँडफाँड आज असार ०३ गते अपरान्ह ३:०० बजे निष्काशन तथा बिक्री प्रबन्धक सानिमा क्यापिटल लिमिटेडको कार्यालय नक्सालमा भएको छ।

मागभन्दा बढी आवेदन परेको हुनाले कम्पनीको प्राथमिक निष्काशनको बाँडफाँड गोलाप्रथाबाट गरिएको छ।

कुल १७ लाख ९१ हजार ८ सय ९५ जना आवेदन मध्ये योग्य आवेदक १७ लाख ८९ हजार १ सय ५७ जनाले आवेदन दिएकोमा १६ लाख ५२ हजार ६सय ५७ जना आवेदकको हात खाली भएको छ।

बाँकी आवेदकमा १ लाख ३६ हजार ५०० जना आवेदकले १० कित्ताको दरले शेयर पाएका छन्। हाईड्रोपावरको आइपिओमा २ करोड १ लाख ३९ हजार १ सय ९० कित्ताको लागि कुल रु.२.०१ अर्ब बराबरको आवेदन परेको थियो।

आवेदकले आइपिओ रिजल्ट कम्पनी तथा बिक्री प्रबन्धकको वेभसाइट र सिडिएससीको आइपिओ रिजल्ट हेर्ने वेभसाइटबाट हेर्न सक्नुहुन्छ।