खुद ब्याज आम्दानीसँगै आशा लघुवित्तको नाफामा उल्लेखनीय वृद्धि, ईपीएस २८.५५ रुपैयाँ पुग्यो

BFIS News
2025 Aug Mon 09:17

काठमाडौं, साउन १९। आशा लघुवित्त वित्तीय संस्था लिमिटेड (ALBSL) ले आर्थिक वर्ष २०८०/८१ को अन्त्यसम्मको अपरिष्कृत वित्तीय विवरण सार्वजनिक गरेको छ। विवरणअनुसार संस्थाले अघिल्लो वर्षको तुलनामा उल्लेखनीय रूपमा खुद नाफा आर्जन गरेको छ।

गत आर्थिक वर्षको चौथो त्रैमाससम्ममा लघुवित्तले २० करोड ९२ लाख रुपैयाँ खुद नाफा कमाएको छ, जुन अघिल्लो वर्षको सोही अवधिको २४८.२८ प्रतिशत वृद्धि हो। अघिल्लो वर्ष यस अवधिमा संस्थाको नाफा ६ करोड ८९ हजार रुपैयाँ मात्र थियो।

ब्याज तथा सञ्चालन आम्दानीमा उल्लेखनीय वृद्धि

आर्थिक प्रगतिको मुख्य आधार खुद ब्याज आम्दानी र सञ्चालन मुनाफाको वृद्धि भएको देखिएको छ। समीक्षा अवधिमा:

खुद ब्याज आम्दानी ६७.४७ प्रतिशतले बढेको छ,
फी तथा कमिशन आम्दानी ९.७६ प्रतिशतले बढेको छ,
कुल सञ्चालन आम्दानी ५०.०५ प्रतिशतले वृद्धि भएको छ,
सञ्चालन मुनाफा २५५.३६ प्रतिशतले बढेको छ।

प्रतिशेयर आम्दानी (EPS) र अन्य वित्तीय सूचक

उक्त अवधिमा आशा लघुवित्तको प्रतिशेयर आम्दानी (EPS) १९ रुपैयाँ १८ पैसाले बढेर २८ रुपैयाँ ५५ पैसा पुगेको छ। अघिल्लो वर्षको अन्त्यसम्ममा यो ९ रुपैयाँ ३७ पैसा थियो।

वितरणयोग्य मुनाफा: १६ करोड ३६ लाख रुपैयाँ
वितरणयोग्य ईपीएस: २२ रुपैयाँ ३२ पैसा
प्रति शेयर नेटवर्थ: १७२ रुपैयाँ ९० पैसा
मूल्य आम्दानी अनुपात (P/E ratio): ३१.३८ गुणा