सिंगटी हाइड्रो नाफामा, विद्युत बिक्री आम्दानी ७२८ प्रतिशतले बढ्यो

काठमाडौं, साउन १९।  सिंगटी हाइड्रो इनर्जी लिमिटेड (SHEL) गत आर्थिक वर्षको चौथो त्रैमासमा नाफामा उक्लिएको छ। अघिल्लो वर्ष नोक्सानीमा रहेको कम्पनीले यस वर्ष विद्युत बिक्री आम्दानी उल्लेख्य वृद्धि गरेपछि १४ करोड ९९ लाख रुपैयाँ खुद नाफा कमाएको हो।

अघिल्लो आर्थिक वर्षको सोही अवधिमा कम्पनी ६ करोड ९२ लाख रुपैयाँ नोक्सानीमा थियो। विद्युत बिक्री आम्दानी ७२७.९१ प्रतिशतले वृद्धि भई ६७ करोड ७१ लाख रुपैयाँ पुगेपछि कम्पनी नाफामा फर्किएको हो।

चौथो त्रैमासको समीक्षाअवधिमा कम्पनीको सञ्चालन आम्दानी ७६०.६५ प्रतिशत र अन्य आम्दानी ९२०.४६ प्रतिशतले बढेको देखिन्छ। कुल खर्च पनि २५६.७८ प्रतिशतले बढेर पुगेको छ।

असार मसान्तसम्ममा कम्पनीको प्रतिशेयर आम्दानी (EPS) ५ रुपैयाँ १७ पैसा, प्रतिशेयर नेटवर्थ १०९ रुपैयाँ ५३ पैसा तथा मूल्य-आम्दानी अनुपात (P/E ratio) ५५.७५ गुणा रहेको छ।

सिंगटी हाइड्रोले आम्दानीमा देखिएको यो उल्लेखनीय सुधारले आगामी दिनमा लगानीकर्ताको भरोसा थप बलियो बनाउने अपेक्षा गरिएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन