युनाइटेड इदी-मर्दीले सत प्रतिशत हकप्रद शेयर निष्काशन गर्दै

काठमाडौं, साउन १९।  युनाइटेड इदी–मर्दी आरबी हाइड्रोपावर लिमिटेड (UMRH) ले आगामी जलविद्युत् परियोजनाका लागि पूँजी जुटाउन १:१ अनुपातमा अधिकार सेयर (Rights Share) निष्कासन गर्ने भएको छ।

यस सेयर निष्कासनको व्यवस्थापनका लागि कम्पनीले ग्लोबल आईएमई क्यापिटल लिमिटेडलाई निष्कासन तथा बिक्री प्रबन्धकका रूपमा नियुक्त गरेको छ।

यस सम्बन्धमा कम्पनीका प्रबन्धनिर्देशक रोशन के.सी. र ग्लोबल आईएमई क्यापिटलका प्रमुख कार्यकारी अधिकृत मन्दीप लुइँटेलले साउन १४ गते द्विपक्षीय सम्झौतामा हस्ताक्षर गरेका हुन्।

UMRH ले २०७६ सालको असोजदेखि व्यावसायिक उत्पादनमा आएको कास्कीको माछापुच्छ्रे गाउँपालिकास्थित ७ मेगावाट क्षमताको मर्दी खोला जलविद्युत् आयोजना सञ्चालन गर्दै आएको छ। कम्पनीले पछिल्ला तीन वर्षदेखि नगद र बोनस सेयर वितरण गर्दै आएको छ।

हाल कम्पनीको अधिकृत पूँजी १ अर्ब रुपैयाँ रहेको छ भने प्रस्तावित अधिकार सेयर निष्कासनपछि चुक्ता पूँजी ९२ करोड १६ लाख रुपैयाँ पुग्नेछ। संकलित रकम अन्य जलविद्युत् परियोजनाहरूमा लगानी गरिने कम्पनीले जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन