छ्याङ्दी हाइड्रोपावरको अवितरित हकप्रद सेयर लिलामी आज बन्द हुँदै

काठमाडौं, साउन २१।  छ्याङ्दी हाइड्रोपावर लिमिटेड (CHL) ले जारी गरेको अवितरित हकप्रद सेयरको लिलामी आज साउन २१ गते, मंगलवार, बन्द हुँदैछ। कम्पनीले साउन १४ गतेदेखि लिलामी प्रक्रिया सुरु गरेको थियो।

यस लिलामीमा कम्पनीले आफ्ना अघिल्ला १:१ अनुपातका हकप्रद सेयर निष्कासनका क्रममा बाँकी रहेका २ लाख ९८ हजार ८३२ कित्ता सेयर बिक्रीका लागि ल्याएको हो। कम्पनीले जेठ २३ देखि असार १२ गतेसम्म हकप्रद सेयर बिक्री खुला गरेको थियो।

कुल ३८,६९,७७५ कित्ता हकप्रद सेयरमध्ये ३५,७०,९४३ कित्ता (९२.२८%) सेयर योग्य आवेदनदातालाई बाँडफाँट गरिएको थियो। बाँकी २,९८,८३२ कित्ता (७.७२%) सेयर योग्य शेयरधनीहरूले नलिएको हुँदा ती सेयर लिलामीमार्फत सर्वसाधारण र संस्थागत लगानीकर्तालाई बिक्री गर्न लागिएको हो।

लिलामीमा व्यक्तिगत तथा संस्थागत दुबै लगानीकर्ताहरूले सहभागिता जनाउन सक्नेछन्।

यो लिलामीको इश्यू म्यानेजरको जिम्मेवारी ग्लोबल आइएमई क्यापिटल लिमिटेडले लिएको छ। लिलामीमा न्यूनतम बोलकबोल दर प्रतिकित्ता १०० रुपैयाँ तोकिएको छ भने न्यूनतम १०० कित्ताको आवेदन दिनुपर्नेछ। इच्छुक लगानीकर्ताले सबै अवितरित सेयरमा समेत आवेदन दिन सक्नेछन्, तर नियामक संस्थाले तोकेको अधिकतम सीमा ननाघ्ने गरी आवेदन दिनुपर्नेछ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन