१० कम्पनीको अनुगमनमा ५ लाई जरिवाना, ५ सँग स्पष्टीकरण माग

काठमाडौं।  वाणिज्य, आपूर्ति तथा उपभोक्ता संरक्षण विभागले उपभोक्ताको हक अधिकार हनन भएको उजुरी र अनुगमनको आधारमा काठमाडौं उपत्यकामा सञ्चालित १० वटा व्यवसायिक कम्पनीमाथि कारबाही प्रक्रिया अघि बढाएको छ।

बुधबार गरिएको नियमित अनुगमनका क्रममा ५ कम्पनीलाई जरिवाना तिराइएको छ भने ५ कम्पनीसँग स्पष्टीकरण माग गरिएको विभागले जनाएको छ।

विभागका अनुसार उपभोक्तासँग अन्याय गरिएको पाइएकोले उरी एजुकेशन सेन्टरलाई ५१ हजार रुपैयाँ जरिवाना गरिएको छ। त्यस्तै, सुपरनोभा एजुकेशन कन्सल्टेन्सी सेन्टर र विटल्स कार डेकोरलाई ५०-५० हजार रुपैयाँ, अल कार डेकोरेसन र सुदृष्टि आयकोनिकलाई १०-१० हजार रुपैयाँ जरिवाना गरिएको हो।

त्यसैगरी, जेभियर इन्टरनेशनल एजुकेशन कन्सल्टेन्सी, ओहायो इन्टरनेशनल कन्सल्टेन्सी, एस इम्पेक्स, एप्लायन्सेस हब लगायतका कम्पनीहरूलाई व्यवसायसँग सम्बन्धित कागजातसहित तीन दिनभित्र विभागमा उपस्थित भई स्पष्टिकरण पेश गर्न निर्देशन दिइएको छ।

विभागले उपभोक्ताको अधिकार सुरक्षित गर्न नियमित अनुगमन र आवश्यक कारबाही प्रक्रिया जारी राख्ने जनाएको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन