सामलिङ पावरको विद्युत बिक्री आम्दानी घट्दा पनि नाफामा सुधार

काठमाडौं । सामलिङ पावर कम्पनी लिमिटेड (SPC) ले गत आर्थिक वर्ष २०८०/८१ को चौथो त्रैमाससम्मको अपरिष्कृत वित्तीय विवरण सार्वजनिक गरेको छ। विवरण अनुसार कम्पनीको विद्युत बिक्री आम्दानी अघिल्लो वर्षको तुलनामा घटेपनि नाफामा सुधार भएको छ।

कम्पनीले समीक्षा अवधिमा २२ करोड ५८ लाख रुपैयाँ विद्युत बिक्री आम्दानी गरेको छ, जुन अघिल्लो आर्थिक वर्षको सोही अवधिको २५ करोड १८ लाख रुपैयाँ आम्दानीभन्दा १०.३० प्रतिशत कम हो।

अघिल्लो आर्थिक वर्षको अन्त्यमा २ करोड ७६ लाख रुपैयाँ नोक्सानीमा रहेको कम्पनी गत आर्थिक वर्षको सोही अवधिसम्ममा ८८ लाख रुपैयाँ नाफामा पुगेको छ। विद्युत बिक्री आम्दानी घटेपनि वित्तीय खर्च कम भएका कारण नाफामा सुधार आएको कम्पनीले जनाएको छ।

५० करोड रुपैयाँ चुक्ता पूँजी रहेको कम्पनीको जगेडा कोष ३ करोड ९२ लाख रुपैयाँ रहेको छ। गत असार मसान्तसम्म कम्पनीको प्रतिशेयर आम्दानी १ रुपैयाँ ७६ पैसा र प्रतिशेयर नेटवर्थ १०७ रुपैयाँ ८४ पैसा रहेको वित्तीय विवरणमा उल्लेख छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन