१० गुणाले बढ्यो एनआरएन इन्फ्रास्ट्रक्चरको नाफा, प्रतिशेयर आम्दानी ५२ रुपैयाँ २३ पैसा

काठमाडौं ।  एनआरएन इन्फ्रास्ट्रक्चर एण्ड डेभलपमेन्ट लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ।

विवरण अनुसार कम्पनीको खुद नाफा अघिल्लो वर्षको सोही अवधिको तुलनामा १० गुणा अर्थात ८८९.०४ प्रतिशतले वृद्धि भएको छ।

आर्थिक वर्षको अन्त्यसम्म कम्पनीले ६७ करोड ८ लाख रुपैयाँ खुद नाफा आर्जन गरेको हो। अघिल्लो वर्षको सोही अवधिमा यो रकम ६ करोड ७८ लाख रुपैयाँ मात्र थियो।

कम्पनीको वित्तीय तथा लाभांश आम्दानी घटेपनि, लगानी बिक्रीबाट ९० करोड ९ लाख ७७ हजार रुपैयाँको नाफा भएकोले कुल नाफामा ठूलो वृद्धि भएको हो। समीक्षा अवधिमा लाभांश आम्दानी ४३.४८ प्रतिशत र वित्तीय आम्दानी १८.६५ प्रतिशतले घटेको छ।

यो अवधिमा कम्पनीको कुल आम्दानी ९०० प्रतिशतले बढेको छ भने खर्च १ करोड १२ लाख रुपैयाँबाट बढेर ११ करोड ३८ लाख रुपैयाँ पुगेको छ।

नाफासँगै प्रतिशेयर आम्दानी (EPS) पनि उल्लेख्य रूपमा बढेको छ। समीक्षा अवधिमा यो ४६ रुपैयाँ ६९ पैसाले बढेर ५२ रुपैयाँ २३ पैसा पुगेको छ। असार मसान्तसम्म कम्पनीको प्रतिशेयर नेटवर्थ २५० रुपैयाँ १५ पैसा र मूल्य–आम्दानी अनुपात (P/E Ratio) ४३.६४ गुणा रहेको छ।

१ अर्ब २८ करोड रुपैयाँ चुक्ता पूँजी भएको कम्पनीको रिटेन्ड अर्निङ ७२ करोड २० लाख रुपैयाँ रहेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन