एनआई ३१ को इकाई खरिदका लागि आवेदन दिने आज अन्तिम दिन

काठमाडौं । नबिल इन्भेष्टमेन्ट बैंकिङ लिमिटेडले साउन ३० गतेदेखि निष्काशन तथा बिक्री खुला गरेको ‘एनआई ३१’ को इकाई खरिदका लागि आवेदन दिने आज (भदौ ३ गते) अन्तिम दिन रहेको छ।

क्यापिटलले प्रतिइकाई १० रुपैयाँ अंकित मूल्यमा १५ करोड रुपैयाँबराबरका १ करोड ५० लाख इकाई बिक्रीमा ल्याएको हो। यसमध्ये १५ प्रतिशत अर्थात ३ करोड ७५ लाख रुपैयाँ बराबरका ३७ लाख ५० हजार इकाई योजना व्यवस्थापक नबिल इन्भेष्टमेन्ट बैंकिङलाई सुरक्षित गरी बाँकी १ करोड १२ लाख ५० हजार इकाई सर्वसाधारणका लागि बिक्री गरिएको छ।

यस योजनामा न्यूनतम १०० इकाई र अधिकतम २५ लाख इकाईसम्म आवेदन दिन सकिने व्यवस्था छ।

नबिल म्युचुअल फण्ड अन्तर्गत सञ्चालन हुने यो योजनामा निष्काशन अवधिभित्र कम्तीमा ५० प्रतिशत अर्थात ७५ लाख इकाई खरिदका लागि आवेदन प्राप्त भएमा बाँडफाँट हुने कम्पनीले जनाएको छ। तर सो संख्यामा आवेदन नपुगेमा योजना खारेज गरी १५ दिनभित्र निवेदकलाई रकम फिर्ता गरिनेछ।

यस योजनाको धितोपत्र निष्काशन तथा बिक्री प्रबन्धक नबिल इन्भेष्टमेन्ट बैंकिङ लिमिटेड नै रहेको छ। लगानीकर्ताले नेपाल धितोपत्र बोर्डबाट अनुमति प्राप्त आस्बा सेवामा सहभागी बैंक तथा वित्तीय संस्था, साथै ‘मेरो शेयर’ वेब वा एपमार्फत पनि आवेदन दिन सक्नेछन्।

म्युचुअल फण्ड निष्काशनका लागि गराइएको रेटिङमा इक्रा नेपालले कोष प्रबर्द्धकलाई ‘इक्राएनपी इस्यूअर रेटिङ A@’ प्रदान गरेको छ भने केयर रेटिङ नेपालले योजना व्यवस्थापकलाई ‘CARENP AMC Quality 3 Plus’ रेटिङ प्रदान गरेको छ।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन