हाथवे इन्भेष्टमेन्टले १७ औँ वार्षिक साधारण सभा बोलायो, लाभांश प्रस्ताव पारित हुने

काठमाडौं । हाथवे इन्भेष्टमेन्ट नेपाल लिमिटेड (HATHY) ले गत आर्थिक वर्षको मुनाफाबाट प्रस्ताव गरिएको लाभांश पारित गर्न साधारण सभा बोलाएको छ।

कम्पनीले भदौ २५ गते, बुधबार, काठमाडौंको आम्रपाली ब्याङ्क्वेटमा १७ औँ वार्षिक साधारण सभा आह्वान गरेको हो। सभा बिहान १० बजे शुरु हुनेछ।

साधारण सभामा हाल कायम चुक्ता पूँजीको १२ प्रतिशत बोनस शेयर र सो बोनसमा लाग्ने कर प्रयोजनार्थ ०.६३२ प्रतिशत नगद लाभांश वितरण गर्ने विशेष प्रस्ताव पारित गरिनेछ।

त्यसका साथै, सभाले कम्पनीको प्रबन्धपत्र तथा नियमावली संशोधन गर्ने, सञ्चालक समितिलाई आवश्यक अख्तियारी दिने, समूह 'क' का शेयरधनीहरुको तर्फबाट ४ जना सञ्चालकको निर्वाचन गर्ने तथा स्वतन्त्र सञ्चालकको नियुक्ति अनुमोदन गर्ने प्रस्तावहरू पनि पारित गर्नेछ।

साधारण सभा र लाभांश वितरण प्रयोजनका लागि कम्पनीले भदौ १३ गते एक दिनका लागि बुकक्लोज गर्ने जनाएको छ। यसअनुसार भदौ १२ गतेसम्म नेप्सेमा कारोबार भई कायम रहेका शेयरधनीहरूले सभामा सहभागी हुन र प्रस्तावित लाभांश प्राप्त गर्न सक्नेछन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन