आरबीबी र कुमारी क्यापिटलका म्युचुअल फन्डको लाभांश प्राप्त गर्ने अन्तिम दिन आज

काठमाडौं । आरबीबी मर्चेन्ट बैंकिङ लिमिटेड र कुमारी क्यापिटल लिमिटेडले सञ्चालन गरेका म्युचुअल फन्डहरूको लाभांश प्राप्त गर्न आज (भदौ ८ गते) अन्तिम दिन रहेको छ।

आरबीबी मर्चेन्ट बैंकिङ लिमिटेडको सञ्चालक समिति बैठकले आर्थिक वर्ष २०८१/८२ का लागि आरबीबी म्युचुअल फन्ड–१ का इकाइधनीलाई करसहित २० प्रतिशत नगद लाभांश र आरबीबी म्युचुअल फन्ड–२ का इकाइधनीलाई करसहित १३ प्रतिशत नगद लाभांश वितरण गर्ने निर्णय गरेको छ।
आरबीबी म्युचुअल फन्ड–१ सात वर्षे बन्दमुखी योजना हो भने म्युचुअल फन्ड–२ को परिपक्वता अवधि १० वर्षको छ। दुवै फन्ड आरबीबी मर्चेन्ट बैंकिङ लिमिटेडद्वारा सञ्चालित छन्।

त्यस्तै, कुमारी क्यापिटल लिमिटेडले पनि आफ्ना म्युचुअल फन्डका इकाइधनीलाई लाभांश वितरण गर्ने निर्णय गरेको छ। जसअनुसार, कुमारी इक्विटी फन्ड (KEF) का इकाइधनीलाई ११.५० प्रतिशत नगद लाभांश, कुमारी धनवृद्धि योजना (KDBY) का इकाइधनीलाई १०.५० प्रतिशत नगद लाभांश र कुमारी सबल योजना (KSY) का इकाइधनीलाई करसहित ९ प्रतिशत नगद लाभांश वितरण गरिनेछ।

यी सबै म्युचुअल फन्डका लागि पुस्तक बन्द मिति भदौ ९ गते तोकिएको छ। सो मितिभन्दा अगाडि इकाइ कायम गरेका लगानीकर्ताहरू लाभांश प्राप्त गर्न र सम्बन्धित साधारणसभामा सहभागी हुन योग्य हुनेछन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन