यूनिभर्सल पावर कम्पनीले बोनसपछि हकप्रद सेयर निष्काशनको प्रस्तावसहित साधारण सभा बोलायो

काठमाडौं, भदौ ३०। यूनिभर्सल पावर कम्पनी लिमिटेड (UPCL) ले गत आर्थिक वर्षको मुनाफाबाट बोनस सेयर वितरणपश्चात शतप्रतिशत हकप्रद सेयर निष्काशन गर्ने प्रस्ताव पारित गर्न वार्षिक साधारण सभा बोलाएको छ।

कम्पनीको  वार्षिक साधारण सभा आगामी असोज २३ गते, बिहीबार दरबार रेष्ट्रो होटल एण्ड पार्टी भेन्यू, तीखेदेवल, ललितपुरमा बिहान १० बजे सुरु हुने कार्यक्रम रहेको छ।

सभामा हाल कायम चुक्ता पूँजीको ९ प्रतिशत बोनस सेयर र सो बोनसको कर प्रयोजनका लागि ०.४७३७ प्रतिशत नगद लाभांश वितरण सम्बन्धी विशेष प्रस्ताव पारित गरिनेछ।

त्यस्तै, बोनस सेयर वितरणपश्चात शतप्रतिशत हकप्रद सेयर निष्काशन, कम्पनीको प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने, लेखापरीक्षकको नियुक्ति, स्वतन्त्र सञ्चालकको नियुक्ति अनुमोदन, तथा २ जना सञ्चालकको निर्वाचनसम्बन्धी प्रस्तावहरु पनि सभामा पेश गरिनेछ।

साधारण सभामा सहभागिता तथा लाभांश प्राप्तिका लागि कम्पनीले असोज ८ गते बुकक्लोज गर्ने निर्णय गरेको छ। यस अनुसार, असोज ७ गतेसम्म नेप्सेमा कारोबार भइ नाम दर्ता भएका सेयरधनीहरुले सभामा सहभागी हुन र प्रस्तावित लाभांश प्राप्त गर्न सक्नेछन्।

कम्पनीले शेयरधनीहरूको हितलाई ध्यानमा राख्दै मुनाफाबाट प्रतिफल दिने योजनालाई अगाडि बढाएको हो।

प्रतिक्रिया दिनुहोस्

सम्बन्धित समाचार

सेयर किन्नुअघि कसरी गर्ने रिसर्च ? यी हुन् महत्वपूर्ण ५ चरणहरु

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन

विद्युत खपत बढाउन प्राधिकरणले सुरु गर्यो अभियान

भ्याल्यू स्टक भनेको के हो, कसरी छान्ने यस्ता सेयर ?