सोल्टी होटल लिमिटेडले लाभांश घोषणा गर्‍यो, १५ प्रतिशत बोनस शेयर सहित ३१.५७ प्रतिशत दिने

काठमाडौं। सोल्टी होटल लिमिटेडले गत आर्थिक वर्षको मुनाफाबाट आफ्ना शेयरधनीहरूलाई वितरण गर्नुपर्ने लाभांश घोषणा गरेको छ। कम्पनीले हाल कायम चुक्ता पूँजीको १५ प्रतिशत बोनस शेयर र सो बोनस शेयरको कर प्रयोजनका लागि १६.५७८९ प्रतिशत नगद लाभांश वितरण गर्ने निर्णय गरेको हो।

कम्पनीको सञ्चालक समितिको बैठक कात्तिक ११ गते बसेर सो दरमा लाभांश वितरण गर्ने प्रस्ताव स्वीकृत गरेको हो। उक्त प्रस्ताव अनुमोदनका लागि कम्पनीले ५१ औँ वार्षिक साधारण सभा मंसिर २८ गते, आइतबार, बिहान १० बजे, त्रिभुवन आर्मी अफिसर्स क्लब सभामण्डप हल, टुँडिखेल, सुन्धारा, काठमाडौंमा बोलाएको छ।

त्यसैगरी, साधारण सभा तथा लाभांश वितरण प्रयोजनका लागि कम्पनीले मंसिर ५ गतेदेखि २८ गतेसम्म बुकक्लोज गर्ने जनाएको छ। यस अनुसार मंसिर ४ गतेसम्म नेप्सेमा कारोबार भई कायम रहेका शेयरधनीहरू मात्र कम्पनीको साधारण सभामा सहभागी हुन र प्रस्तावित लाभांश प्राप्त गर्न योग्य हुनेछन्।

प्रतिक्रिया दिनुहोस्

सम्बन्धित समाचार

गरिब देशहरुको सहयोगका लागि विश्व बैंकको ९३ अर्ब डलरको वित्तीय प्याकेज

१० वाणिज्य बैंकले ४ महिनामै कमाए अर्ब बढी नाफा, एनआइसी एसियाको सबैभन्दा धेरै

खप्तड लघुवित्तले आईपीओ जारी गर्ने, बिक्री प्रबन्धकमा प्रभु क्यापिटल नियुक्त

८ जिल्लामा विद्युत प्रणाली सुधारको काम सुरु

बिल एकम्यानको रणनीति : सस्तो सेयर किनेर व्यवस्थापन आफ्नै हातमा लिने

तीन कम्पनीको सेयर मूल्य समायोजन